Stefnt að auknum umsvifum og samkeppni í sorphirðu
Íslenska Gámafélagið, sem er með aðstöðu á Oddeyrartanga, hyggst flytja starfsemi sína þaðan um mitt komandi sumar. Þá hefur félagið einnig í hyggju að auka umsvif sín á Akureyri á sviði sorphirðu. Tveir starfsmenn vinna nú hjá félaginu í bænum. Jón Þórir Frantzson forstjóri Íslenska Gámafélagsins segir að á svæðinu við Oddeyrartanga sé einungis tekið við endurvinnanlegu sorpi, aðallega pappa af ýmsu tagi, en þangað komi ekki neitt almennt sorp, s.s. frá heimilum eða fyrirtækjum. Við höfum um skeið leitað að varanlegri bækistöð á Akureyri með það í huga að auka okkar umsvif á þessu sviði, segir Jón Þórir.
Hann segir að félagið hafi fundið nýtt húsnæði og svæði sem henti starfseminni og er um þessar mundir verið að vinna að því í samvinnu við bæjaryfirvöld að afla tilskilinna leyfa fyrir starfseminni á nýjum stað. Stefnt er að því að sögn Jóns Þórir að flytja starfsemi á nýjan stað 1. júlí nk. Þegar við höfum flutt okkur um set og hafið starfsemi á öðrum stað munum við hafa tök á að taka við almennu sorpi, þar á meðal heimilissorpi, segir Jón Þórir, enda sé sorphirða á Akureyri mjög dýr, með þeim dýrustu á landinu en m.a. þarf að fara með sorpið um langan veg úr bænum og á förgunarstað á Sölvabakka, sem er skammt utan við Blönduós.
Íslenska gámafélagið sinnir viðamiklu verkefni á sviði sorphirðu um land allt og nær þjónustan til um 60 þúsund heimila og 3 þúsund fyrirtækja, en fyrirtækið er eitt hið stærsta hér á landi sem starfar við losun og förgun úrgangs og endurvinnslu. Fyrirtækið var stofnað árið 1999, m.a. í þeim tilgangi að auka samkeppni á því sviði atvinnulífsins sem snýr að sorphirðu. Við höfum trú á því að við getum veitt ódýrari þjónustu og munum bjóða upp á hana þegar við komum okkur fyrir á nýjum stað, segir Jón Þórir.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.