Stefnir á að opna brugghús á Húsavík
Þorsteinn Snævar Benediktsson hyggur á opnun brugghúss næsta sumar á Húsavík. Mynd/epe
Nýtt húsvíkst brugghús gæti verið á næsta leiti ef áætlanir Þorsteins Snævars Benediktssonar ganga eftir.
Hann hefur lengi verið mikill áhugamaður um bjór og hefur unnið á veitingahúsum um all nokkurt skeið. Þorsteinn heillaðist af bjórmenningunni í Austurríki þegar hann var þar á ferðalagi fyrir nokkrum árum og ákvað að kynna sér hana nánar. Í samtali við Vikudag segist Þorsteinn hafa furðað sig á því að þessi menning væri ekki jafn sterk hér á landi. „Ég ákvað að skella mér til Englands í nám í bjórgerð og er því menntaður bjórgerðarmaður,“ segir þessi ungi frumkvöðull og bætir við: “Ég er að vinna í því að finna húsnæði undir þetta og ætla í kjölfarið að fara fleyta þessu af stað.“
Þorsteinn lærði fagið í Sunderland á Englandi í skóla sem kallast „Brew Lab“ en það er samstarfsverkefni háskólanna í Sunderland og Newcastle. Hann er útskrifaður sem „micro brewer“ en það jafngildir diplómu til bruggmeistara.
Þorsteinn gerði það gott í Sunderland og vann m.a. til verðlauna í keppni ölgerðarnemenda þar í borg. Verðlaunin hlaut hann fyrir þurrhumlaðan greni IPA
Jákvæð viðbrögð hafnanefndar
Hafnanefnd Norðurþings tók í vikunni fyrir ósk frá Atvinnuþróunarfélagi Þingeyinga fyrir hönd Þorsteins um að leigja verbúðarbil við Hafnarstétt. Þar stefnir Þorsteinn á að koma sér upp aðstöðu til bjórgerðar, náist samkomulag um leiguna og framkvæmdir á húsnæðinu.
Hafnanefnd tók jákvætt í erindið og hefur felið hafnastjóra að hefja viðræður við Atvinnuþróunarfélag Þingeyinga og Þorstein um útfærslu á samningi og leggja hann fyrir nefndina.
Þorsteinn segir að verkefnið sé á því stigi að finna hentugt húsnæði, þegar það liggur fyrir þurfi að útvega öll þau leyfi og vottanir sem þarf fyrir slíkan rekstur . „Kröfurnar eru svolítið strangar, ekkert ósvipað veitingahúsum að því leytinu . Þannig að það er talsvert verk fyrir höndum,“ segir hann.
Aðspurður um hvenær hann hyggist hefja framleiðsu segir hann það fara eftir því hvenær hann fái húsnæði. „Ég er að vonast til að geta byrjað á framkvæmdum í september- október og get þá byrjað að selja bjór næsta sumar. Ég stefni á það,“ segir Þorsteinn Snævar Benediktsson bjórgerðarmaður.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.