Spurning hvort afléttingar séu skynsamlegar á þessum tímapunkti
„Nú þegar fyrirsjáanlegar eru afléttingar á takmörkunum í þjóðfélaginu eins og sóttkví má búast við auknum smitum, fleiri innlögnum og meiri fjarveru starfsfólks á næstu vikum. Það má velta fyrir sér hvort það sé svo skynsamlegt á þessum tímapunkti,“ segir Sigurður Einar Sigurðsson framkvæmdastjóri lækninga og handlækningasviði Sjúkrahússins á Akureyri. Tveir liggja nú inni á sjúkrahúsinu vegna kórónuveirunnar og tæplega fimmtíu starfsmenn eru fjarverandi vegna einangrunar eða sóttkvíar. Æ fleiri hafa verið að greinast á svæðinu undanfarna daga. Sjúkrahúsið á Akureyri er á hættustigi.
Sigurður segir að undanfarin tvö ár hafi mikið álag verið á sjúkrahúsið og einnig aðra sem starfa í heilbrigðiskerfinu og vissulega sé fólk almennt orðið langþreytt. Það krefjist mikils viðbúnaðar að sinna inniliggjandi sjúklingum, faraldurinn hafi líka truflandi áhrif á einkalíf landsmanna og þar með talið heilbrigðisstarfsfólk.
„Í þessari bylgju sem nú gengur yfir virðast þeir sem sýkjast ekki verða jafn veikir og af fyrri afbrigðum veirunnar en fjöldinn er það mikill að þó lágt hlutfall þurfi innlögn þá eru samt sem áður alltaf einhverjir sjúklingar sem þurfa á því að halda. Og þegar mengið er svona stórt getur það orðið nokkur fjöldi,“ segir Sigurður.
Aldrei áður höggvið jafn stór skörð í starfsmannahópinn
Hann segir fyrri bylgjur faraldursins ekki hafa höggvið jafn stór skörð í starfsmannahópinn og sú sem nú ríkir. „Það er vissulega áskorun að manna sjúkrahúsið svo við getum sinnt nauðsynlegri þjónustu, en ekki bara Kóvid sjúklingum. Við höfum þurft að grípa til þess ráðs að fresta valaðgerðum og einnig ákveðinni starfsemi á Kristnesspítala svo við getum mætt þessari áskorun. Það er hins vegar ekki gott til lengdar að fresta þeim aðgerðum því þá lengjast biðlistar og verkefnið eftir Covid-19 verður stærra og erfiðara,“ segir hann.
/MÞÞ
Nýjast
-
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín.
Athugasemdir