Sparisjóðurinn opnar þjónustuskrifstofu á Akureyri
Þjónustuskrifstofan verður til húsa á neðstu hæðinni að Glerárgötu 36.
Sparisjóðurinn á Grenivík mun opna þjónustuskrifstofu á Akureyri á milli jóla- og nýárs, eða strax í byrjun næsta árs. Starfsemin verður til húsa á neðstu hæðinni að Glerárgötu 36. Við erum að koma, segir Jóhann Ingólfsson formaður stjórnar Sparisjóðs Höfðhverfinga á Grenivík, um fyrirhugaða starfsemi á Akureyri.
Til að byrja með verða tveir starfsmenn á þjónustuskrifstofunni en það ræðst svo af viðbrögðum Akureyringa og nærsveitarmanna hvert framhaldið verður. Við höfum miklar væntingar enda verðum við vör við mikinn áhuga. Það hefur verið mikið að gera við að taka á móti nýjum viðskiptavinum frá Akureyri. Við vonum að framhald verði á þegar þjónustuskrifstofan opnar, þannig að hægt verði að auka umsvifin og fjölga starfsfólki. Það er beint samhengi þar á milli og eins og flestir vita að þá er Byr að renna inn í Íslandsbanka og greinilega mikil hreyfing á fólki í kringum þá yfirtöku. Eins og við höfum áður sagt þá viljum við opna sjóðinn fyrir nýjum eigendum og vonum að viðskiptamenn hans í öllum Eyjafirði, sem og aðrir, vilji fjárfesta í sjóðnum til að styðja við uppbyggingu hans, því þetta á að vera sparisjóður heimamanna. Vonandi sjáum við það geta gerst á næsta ári, sagði Jóhann.
Samkomulag var gert við Ingva Þór Björnsson sparisjóðsstjóra á Grenivík um að hann léti af störfum og hefur Jenný Jóakimsdóttir tekið við starfi hans. Þá hefur Örn Arnar Óskarsson fyrrverandi útibússtjóri Byrs á Akureyri verið ráðinn til sparisjóðsins á Akureyri.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.