Slæmt veður og leiðindafærð víða um land
Víða er leiðindafærð á vegum og hafa vegfarendur verið að lenda í erfiðleikum. Vegagerðin bendir á að víða sé hlýtt og því megi búast við mikilli hálku. Þá eru vegfarendur hvattir til þess að kynna sér upplýsingar um veður og færð áður en haldið er af stað. Víða er ekki mokstur eða önnur þjónusta á vegum á kvöldin og nóttunni. Raunar eru sumir vegir ekki í þjónustu nema fáa daga í viku. Upplýsingar um þjónustutíma eru á vef Vegagerðarinnar og í síma 1777.
Á Norðurlandi er víða mikil ofankoma og blint. Stórhríð er á Tjörnesi og óveður á Hólasandi og Mývatnsöræfum. Varað er við flughálku víða á Austurlandi. Fjarðarheiði er þungfær og þar er stórhríð. Óveður á Vatnsskarði eystra og þar er ófært. Það er varað er við flughálku víða á Suðausturlandi. Það er hálka og hvasst á Hellisheiði og í Þrengslum. Hálka er einnig víðast hvar á Suðurlandi. Flughált er þó á þjóðvegi 1 á milli Þjórsár og Markarfljóts. Hálkublettir eru á Reykjanesbraut og hálka eða hálkublettir á flestum vegum á Reykjanesi. Þæfingsfærð er á Suðurstrandarvegi. Á Vesturlandi er snjóþekja eða hálka víðast hvar. Vonskuveður er á vestanverðu Snæfellsnesi, stórhríð og ófærð og raunar einnig í Álftafirði. Þæfingsfærð er á Svínadal. Ekkert ferðaveður er á sunnanverðum Vestfjörðum né heldur á Þröskuldum eða Steingrímsfjarðarheiði. Þæfingsfærð er á Gemlufallsheiði. Þungfært er á Ströndum.
Samkvæmt upplýsingum frá veðurfræðingi, verður hríðarveður, skafrenningur og takmarkað skyggni fram eftir degi um norðvestanvert landið, frá Snæfellsnesi vestur um og norður í Eyjafjörð. Suðvestan- og sunnanlands hefur hlánað. Hvöss S-átt í fyrstu, en lægir um tíma fyrir hádegi. Á höfuðborgarsvæðinu og Suðurnesjum gengur í NV storm 20 til 25 m/s um kl. 13 með krapahríð, en gengur niður síðdegis. Mjög hvasst á Suðurlandi og hviður allt að 35-40 m/s undir Eyjafjöllum frá því um kl. 14 til 17. Á fjallvegum Austfjarða má gera ráð fyrir stórhríðarveðri nú fyrir hádegi en gengur niður og hlánar um miðbik dagsins. Gengur í N- og NV-storm með snjókomu og skafrenningi norðanlands um kl. 16 til 18 og norðaustan- og austanlands heldur síðar eða um kl. 19 til 21 þá með snörpum hviðum sunnan undir Vatnajökli og á Austfjörðum fram á nóttina.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.