Skrýtnir tímar
Það var allt óvenjuhljótt í mínum bæ í morgun engin börn á leið í skóla og fáir á ferli. Það snjóaði aðeins í logni, hmmm dagur 232 frá áramótum sem að snjóar eða var það dagur 233 man það bara ekki! Enda er alveg hægt að kalla þennan harða vetur sem hófst með látum í byrjun desember „Kófið – 19“. Sumir tapa innkomu á þessum tímum en aðrir græða samveru með fjölskyldunni t.d. flytja framhaldsskólabörnin sem eru erlendis og á heimavistum heim um stund.
Lærdómsríkt
Margir eru í sóttkví sumir jafnvel í sjálfskipaðri. Það er gott fyrir marga að vera út af fyrir sig, hafa tíma í smá sjálfsvinnu og leiða hugann að lífinu og tilverunni. Ég er sannfærður um að við lærum mikið af þessu og þetta muni verða til þess að við áttum okkur á að það getur allt gerst og við getum ekki gengið að hlutunum sem sjálfsögðum.
Það er svo mikilvægt að ALLIR standi SAMAN og fylgi leiðbeiningum til hins ítrasta. Það er alveg ljóst að það eru ekki allir sammála aðferðunum hverju sinni, enda er nýja sviðsmynd að finna á hverjum degi. Allir sem eru að taka þátt í verkefninu eru að gera þetta í fyrsta skipti og læra nýtt oft á dag.
Og allir með
Ég segi að LANG stærsti hluti landsmanna fylgir þessu og stendur þétt við bakið á frábærri framvarðasveit, jafnvel þrátt fyrir að vera ósammála aðferðum og það er frábært. Svo er einn og einn sem tuðar og reynir að gera lítið úr þessu og fara á svig við leiðbeiningar og hugsar um eigin afturenda og vill ekki skilja að þetta snýst um okkur ÖLL sem heild.
Höldum gleði hátt á lofti
Það er engin ástæða til að tapa gleðinni því það er fullt af hlutum til að gleðjast og mikilvægt að nota þennan tíma vel. Lífið heldur svo sannarlega áfram því þetta er nefnilega ekki heimsendirinn sem stundum er minnst á. Þó að almenningur sé að fylgja leiðbeiningum eftir bestu getu þá flokkast það ekki undir panikkástand. Þetta er bara nýtt og áhugavert verkefni sem þarf að sinna af festu og það getur svo sannarlega líka innihaldið gleðistundir. Þessi tími mun líða hratt og veirulaust vorið er innan seilingar.
Hreindýrið ætti að vera öruggt
Nú verða menn flottir á því og geta garanterað að öruggast er borða „Hrein“dýr í matinn og hafa kósý og kveikja á fullt af „sprittkertum“ Margir telja að það verði sprengja í barnsfæðingum eftir 8 – 11 mánuði og ef að það fæðast þríburar verða þeir skírðir Víðir, Þórólfur og Alma.
Njótið hvers augnabliks sem að lífið færir okkur.
-Júlíus Júlíusson
Nýjast
-
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt. -
Mörg þúsund manns árlega á faraldsfæti suður til lækninga
Þjónusta Sjúkrahússins á Akureyri hefur dregist saman undanfarin misseri. Því fer fjarri að SAK nái að uppfylla það hlutverk sem skilgreint er í lögum um heilbrigðisþjónustu, þar sem m.a. segir að sjúkrahúsið eigi að veita þjónustu í nær öllum sérgreinum lækninga og vera varasjúkrahús Landspítala
Athugasemdir