Skoða hvaða valkostir verða í forgangi
Íbúar í Svalbarðsstrandarhreppi velta því nú fyrir sér hvort hefja eigi sameiningarviðræður en íbúafundur um sameiningarmálin var haldinn nú í vikunni í Valsárskóla. Unnið er að greiningu á þeim valkostum sem fyrir hendi eru þegar kemur að sameiningu og segir Björg Erlingsdóttir sveitarstjóri að markmið þess sé að greina styrk- og veikleika, ógnanir og tækifæri ef til sameiningar sveitarfélagsins kemur.
„Á þessari stundu eru íbúar að velta þessu öllu fyrir sér, hvort eigi að hefja sameiningarviðræður við önnur sveitarfélög og ef það verður gert hvaða valkostir séu þar í forgangi. Einnig veltum við upp hvaða áhersluatriði ættu að vera í öndvegi hjá Svalbarðsstrandarhreppi í slíkum viðræðum,“ segir Björg.
Björg segir að samstarf sé við ráðgjafafyrirtækið RR-Ráðgjöf varðandi sameiningarvalkosti sem fyrir hendi eru. „Við fórum yfir þá möguleika sem íbúum Svalbarðsstrandarhrepps stendur til boða bæði til skemmri og lengri tíma,“ segir Björg.
Hefur áhrif á minni sveitarfélög
Verkefnum sveitarfélaga er að fjölga og segir hún stefnu stjórnvalda að styrkja umgjörð og grundvöll sveitarstjórnarstigsins þannig að tryggt sé að þau geti sinnt lögbundinni skyldu sinni. „Þetta hefur áhrif á minni sveitarfélög eins og Svalbarðsstrandarhrepp,“ segir hún.
Sveitarfélagið sótti um styrk í Jöfnunarsjóð sveitarfélaga til þess að vinna þessa vinnu en hvatinn að þeirri vinnu var fyrirhuguð lagasetning þar sem lágmarksíbúafjöldi sveitarfélaga átti að verða 1.000 íbúar. Fallið var frá lágmarksíbúafjölda innan sveitarfélags með lögum sem samþykkt voru í byrjun sumars en sú vinna sem liggur til grundvallar íbúafundinum mun að sögn Bjargar nýtast komandi sveitarstjórn hvort heldur sem er til að rökstyðja sameiningu eða áframhaldandi stærð sveitarfélagsins.
MÞÞ
Nýjast
-
Vátryggingafélag Íslands (Skagi) kaupir Íslensk verðbréf
Vátryggingafélag Íslands hf. (Skagi) hefur undirritað kaupsamning við hluthafa Íslenskra verðbréfa hf. (ÍV) um kaup Skaga á 97,07% hlutafjár í félaginu. Horft er til þess að í kjölfarið verði farið í kaup hlutafjár annarra hluthafa þannig að Skagi verði einn eigandi alls hlutafjár í Íslenskum verðbréfum. Kaupverð 97,07% hlutafjár í Íslenskum verðbréfum er 1.598 milljónir króna. Gert er ráð fyrir að kaupverðið verði greitt með reiðufé, en Skagi hefur val um að greiða allt að fjórðungi kaupverðsins með afhendingu nýs hlutafjár í Skaga. Fyrirtækjaráðgjöf og sérhæfðar fjárfestingar eru undanskilin í kaupunum. Jóhann M. Ólafsson, forstjóri ÍV, hefur stigið til hliðar og Jón Helgi Pétursson, framkvæmdastjóri ÍV sjóða, hefur tekið tímabundið við sem forstjóri félagsins. -
Amtsbókasafnið - Býður garðverkfæri í útlán
Áður hefur verið haft á orði á þessum vef að starfsfólkið á Amtinu hér í bæ sé skemmtilega ferskt og fái líflegar hugmyndir sem notendur safnsins kunna vel að meta. Í frétt frá þeim í dag er sagt frá að nú sé hægt að fá garðverkfæri, takk fyrir takk, að láni hjá Amtsbókasafninu! Kæru safngestir! NÝJUNG! - Við erum farin að bjóða upp á garðverkfæri til útláns! Það er farið að vora á Akureyri og kominn tími til að byrja vorverkin. Frá og með deginum í dag eru garðverkfæri til útláns hjá okkur, lánstími er 7 dagar. Verkfæri sem eru í boði: handskófla, lítil klóra, stungugaffall, stunguskófla, kantskeri, handklippur, greinaklippur, fata, beðhrífa, fíflajárn, greinasög og garðáhöld fyrir börn. Vinsamlegast þrifið verkfærin vel áður en þið skilið. -
Dýrahræ fundust á víðavangi við Línuveg á Húsavík
Steingrímur Hallur Lund rak í rogastans á dögunum þegar hann var úti að viðra hundinn sinn úti á Bakka við Línuveg í landi Húsavíkur. Hann var ekki komin langt frá veginum þegar hann gekk fram á dauða rollu, sem búið var að klippa af eyrun. Skammt undan gekk hann svo fram á fimm selshræ. -
Krían komin til Grímseyjar
Fyrstu kríurnar þetta árið í Grímsey sáust um helgina. Varpið þar er með stærri kríubyggðum á landinu og er talið að þar verpi þúsundir para. Litlar rannsóknir hafa verið gerðar á breytingum kríuvarpa frá ári til árs en margt bendir til fækkunar víða á landinu frá því um aldamót, einnig hefur orðið vart við sömu þróun í nágrannalöndum okkar. -
Úrskurðaður í fjögurra vikna gæsluvarðhald
Rannsókn á máli þar sem fimmtug kona fannst látin á heimili sínu þann 22. apríl síðastliðinn miðar vel. -
HSN - Ekki óútskýrður kynbundin launamunur
„Það er ánægjulegt að greina frá því að ekki hefur greinst óútskýrður kynbundin launamunur í launagreiningum HSN enda kyn hreint ekki áhrifabreyta á árangur fólks í starfi,“ segir á heimasíðu Heilbrigðisstofnunar Norðurlands eystra, en HSN fékk endurnýjun á Jafnlaunavottun á dögunum. -
Börn og ungmenni í Hrísey vilja gervigrasvöll
Börn og ungmenni í Hrísey hafa lengi kallað eftir því að fá gervigrasvöll á skólalóðina sína líkt og er hjá öllum öðrum grunnskólum í sveitarfélaginu. Málið var rætt á bæjarstjórnarfundi unga fólksins á dögunum. -
Tökum höndum saman og hreinsum bæinn eftir veturinn
Vorhreinsun sveitarfélagsins er í fullum gangi. Opin svæði eru hreinsuð ásamt því að götur, gangstéttar og stígar eru sópaðir og þvegið er af miklum krafti. -
Kynning - Dagar stækka við sig á Norðurlandi
Fyrirtækið Dagar, sem sérhæfir sig í ræstingum, fasteignaumsjón og vinnustaðalausnum, flutti nýverið í stærra húsnæði að Furuvöllum 7. Dagar eru framsækið en rótgróið fyrirtæki þar sem starfa tæplega 800 manns og starfsstöðvar eru á þremur stöðum á landinu; í Garðabæ, á Selfossi og á Akureyri.
Athugasemdir