Skipulögð nágrannavarsla hafin á Akureyri
Jón Birgir Guðmundsson útibússtjóri Sjóvár á Akureyri afhenti Sigrúnu Björk Jakobsdóttur forseta bæjarstjórnar fyrsta skiltið um nágrannavörslu. Sigrún Björk afhenti svo Sævari Helgasyni skiltið, sem réðst strax í að setja það upp á horni Beykilundar. Sigrún Björk lýsti yfir mikilli ánægju með að þetta verkefni væri komið í gang og hún vonast til að íbúar bæjarins taki virkan þátt í því. Undir það tóku þeir Sævar og Jón Birgir. Síðar í dag verður verkefnið kynnt forsvarsmönnum hverfisnefnda á Akureyri.
Daníel Guðjónsson yfirlögregluþjónn á Akureyri var einnig mættur í Beykilundinn í dag. Samkvæmt upplýsingum frá honum hefur ekki orðið aukning í innbrotum og þjófnuðum á Akureyri. Hann segir að innbrot í bíla flest tengjast fáum einstaklingum og komi í bylgjum. Bæði innbrot í bíla og hús tengjast gjarnan fíkniefnaneytendum og hefur gengið vel að upplýsa slík brot síðustu ár. Daníel bendir jafnframt á að sérstakt átak í fíkninefnamálum sem nú hefur staðið í eitt ár, hafi skilað sér í færri innbrotum og þjónuðum frá því að það hófst, miðað við árið á undan.
„Einn af kostunum við að búa á Akureyri hefur ævinlega verið að þar býr fólk við mikið öryggi og stafar lítil hætta af glæpum. Nágrannavarslan er liður í að tryggja að svo verði áfram. Þannig stuðlum við líka að samkennd meðal íbúanna og virkjum þá í því að gera góðan bæ ennþá betri, " segir Hermann Jón Tómasson, bæjarstjóri á Akureyri.
Sjóvá gefur út leiðbeiningar fyrir þá sem vilja skipuleggja nágrannavörslu og býður einnig til námskeiðs þar sem kenndar verða þær aðferðir við nágrannavörslu sem þykja hafa heppnast best. Í leiðbeiningunum má sjá hvernig lágmarka má hættu á innbrotum og skemmdarverkum. Þátttakendur í nágrannavörslunni fá m.a. gátlista sem auðvelda þeim að fara yfir heimili sitt til að kanna hvort það er öruggt og hvaða atriði þarf að laga. Einnig fylgja leiðbeiningar um öryggi bílsins, ferðavagna, reiðhjóla, mótorhjóla og sumarhúsa.
„Það er áratuga reynsla af skipulagðri nágrannavörslu víða um heim og við viljum leggja okkar af mörkum til þess að festa virka nágrannavörslu í sessi hér á landi. Okkar framlag er handbók með ítarlegum leiðbeiningum ásamt námskeiðum og aðgengi að sérfræðingum á sviði forvarna. Framhaldið er síðan í höndum íbúanna sjálfra," segir Sigurjón Andrésson, markaðsstjóri Sjóvár.
Þeir sem hafa áhuga á að koma nágrannavörslu á í götunni sinni eða heilu hverfi geta kynnt sér málið á sjova.is eða snúið sér til Forvarnahússins.
Nýjast
-
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna.