Skipulagsferli vegna Dalsbrautar verður eins opið og mögulegt er
Framkvæmdir við lagningu Dalsbrautar hefjast á næsta ári og verður lokið á árinu 2012, en vera má að ekki verið hægt að ljúka malbikun á allri götunni fyrr en á árinu 2013 þar sem jarðvegsdýpi er mikið á ákveðnum kafla og ef til vill þarf að láta hann síga. Ný lög hafa tekið gildi um framkvæmdir af þessu tagi og er unnið eftir þeim. Samkvæmt þeim þarf að vinna skipulagslýsingu af svæðinu þar sem fram kemur hvaða verk eigi að vinna og hvernig vinnu verði háttað. Oddur Helgi Halldórsson formaður bæjarráðs, segir að málið verði nú sent umsagnaraðilum og þá geti bæjarbúar kynnt sér skipulagslýsinguna, en hún mun liggja frammi á skrifstofu Akureyrarbæjar og verður einnig aðgengileg á vefsíðu bæjarins. „Skipulagslýsingin verður aðgengileg öllum þeim sem áhuga hafa á að kynna sér hana í allt sumar, en síðan munum við kynna hana ásamt deiliskipulagi svæðisins á almennum borgarafundi 16. ágúst nk.," segir Oddur.
Skipulagsnefnd og bæjarráð munu á ný fjalla um málið á fundum í lok ágúst og að því loknu fer það í lögbundið auglýsinga- og kynningarferli sem stendur yfir frá því í lok ágúst og til 12. október. Á því tímabili gefst bæjarbúum kostur á að senda inn athugasemdir við framkvæmdina eða koma með ábendingar. Skipulagsnefnd mun fara yfir innsendar athugasemdir á fundi 26. október en að sögn Odds verður málið endanlega afgreitt úr bæjarstjórn 1. nóvember nk.
Hann segir að samkvæmt skipulagslýsingu sé málið unnið í samráði við skólayfirvöld í Lundarskóla og eigendur fasteigna á svæðinu, m.a. KA. „Þetta er eins opið ferli og mögulegt er, íbúar geta kynnt sér málið vel í sumar og komið svo að athugasemdum þegar fyrir þær verður opnað með haustinu. Vissulega hefðum við getað verið fyrr á ferðinni með þessa framkvæmd, en höfum dregið úr hraðanum m.a. til að fólk geti kynnt sér málin gaumgæfilega og við t.d. hefjum ekki hefðbundið auglýsingaferli vegna framkvæmdarinnar fyrr en í haust þegar fólk er á ný komið heim úr sumarleyfum," segir Oddur.
Nýjast
-
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing.
