Skens & skot á götuhorninu
Skens & skot á götuhorninu er nýr liður hér á dagskrain.is. Um er að ræða það besta úr liðnum „Á götuhorninu“ úr Vikudegi vikunnar og liðnum „Skens & skot“ úr Skarpi vikunnar.
Morgunblaðið búið að stimpla sig út
Fjör færist í baráttuna um forsetastólinn enda styttist óðum í kosningar. Davíð Oddsson hefur komið í stutta heimsókn til Akureyrar og í vikunni opnaði stuðningsfólk Guðna Th. kosningaskrifstofu hér í bæ. Þessir tveir eru líklegastir til að bítast um Bessastaði. Guðni mælist með ágætis forskot og þrátt fyrir að Davíð hafi heilan fjölmiðil á bak við sig, Morgunblaðið, stendur fylgi Guðna nánast óhaggað. Undirritaður er áskrifandi að Mogganum og er það verulega kjánalegt hvernig blaðið beitir sér gegn Guðna. Ritstjórapistlar eins og leiðarinn, og þá sérstaklega Staksteinarnir í blaðinu, gera í því að setja út á Guðna og hylla Davíð. Svona svipað og höfundar Staksteinanna hafa hampað ríkisstjórninni með Sjálfstæðismenn við völd en hjólað duglega í stjórnarandstöðuna. Morgunblaðið er fyrir löngu búið að stimpla sig út sem trúverðugur miðill í kosningabaráttunni. Steinin tók úr þegar Morgublaðinu var dreift frítt í hús um allt land og stór frétt um Guðna í blaðinu þar sem hann var talaður niður.
- Vikudagur, 2. júní
Bjóða Húsvíkingar góðum gestum upp á vænan skjálfta?
Fjöldi jarðvísindamanna er á Húsavík þessa dagana vegna ráðstefnu um jarðskjálfta og jarðváreftirlit sem hér er haldin. Að sjálfsögðu er Páll Einarsson, prófessor og jarðeðlisfræðingur, í þeirra hópi enda manna fróðastur hérlendis um ráðstefnuefnið og hefur m.a. lengi varða við byggingu á verksmiðjum í grennd við Húsavíkur/Flateyjarmisgengið, þar sem gríðarlegir jarðskjálftar hafa orðið af og til í aldanna rás og lengi von á einum.
Einn bæjarbúa, Hörður Jónasson í Árholti, rakst á prófessor Pál í vikunni á vappi um bæinn, vatt sér upp að honum og spurði einfaldlega hvenær við mættum eiga von á næsta stóra Húsavíkurskjálfta. Og það stóð ekki á svari hjá Páli, sem sagði að fyrst búið væri að smala saman svo stórum og alþjóðlegum hópi jarðskjálftafræðinga á staðinn, þá tryði hann ekki öðru en að bæjarbúar af sinni alkunnu gestrisni byðu upp á myndarlegan jarðskjálfta á meðan ráðstefnan stæði yfir!
- Skarpur, 2. júní
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
