Skens & skot á götuhorninu
Skens & skot á götuhorninu er nýr liður hér á dagskrain.is. Um er að ræða það besta úr liðnum „Á götuhorninu“ úr Vikudegi vikunnar og liðnum „Skens & skot“ úr Skarpi vikunnar.
Skortur á Akureyringum á Akureyri?
Byrjunarlið KA, sem sé Knattspyrnufélags Akureyrar í meistaraflokki karla, var á dögunum skipað fimm erlendum leikmönnum, þremur Húsvíkingum og einum Hafnfirðingi, eða níu utanbæjarmönnum. Og auðvitað spurning hvort þeir tveir sem þá voru eftir, eru Akureyringar.
Hvað er eiginlega að gerast á Akureyri? Hefur Akureyringum fækkað svona gríðarlega? Eða eru allir Akureyringar sem eitthvað geta kannski bara í Þór??
Það er greinilega af sem áður var þegar til dæmis 30% íslenska landsliðsinsnvar skipað infæddum Akureyringum. Það skal að vísu tekið fram að það var landsliðið sem tapaði 14 – 2 gegn Dönum. /js.
Nýbyggingar við SAk á sama tíma og nýr Landspítali
Gunnar Gíslason bæjarfulltrúi á Akureyri var tíðrætt um ársfund Sjúkrahússins á Akureyri á Facebooksíðu sinni. Hann vakti athygli á nýbyggingu legudeilda við sjúkrahúsið og hversu brýnt það væri að hafist verði handa við þá framkvæmd ekki seinna en um leið og framkvæmdir við nýjan Landspítala hefjast. „Það er mikilvægt svo SAk haldi stöðu sinni og geti þróað þjónustu sína í samræmi við nútímakröfur og ekki síst til að mæta þeim áskorunum sem felast í alþjóðlegu vottuninni sem unnið er að. Þetta skiptir okkur Akureyringa máli þar sem SAk er einn af stærstu vinnustöðum bæjarins og mikilvægur fyrir búsetuöryggi á Norðurlandi öllu,“ skrifaði Gunnar við góðar undirtektir.
Mannslíf gangi fyrir nýjum jarðgöngum
Meðal þeirra sem tóku undir orð Gunnars var Jóhannes Gunnar Bjarnason, Hollvinur SAk með meiru og fyrrum bæjarfulltrúi. „Legudeildir SAk eru barn síns tíma og úreltar. Með tilliti til sýkingarhættu og annara umönnunarlegra þátta er ekki hægt að bjóða upp á sjúkrastofur þar sem þrír til fjórir sjúklingar eru saman á stofu. Vil hvetja þingmenn kjördæmisins til dáða og vera ekki að velta fyrir sér öðrum Siglufjarðargöngum fyrr en þessi lífsnauðsynlega framkvæmd er í höfn,“ skrifaði Jói Bjarna. / þev.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
