SKÁTAFÉLAGIÐ KLAKKUR FÆR NÝTT HEIMILI
Miðvikudaginn 11. maí afhenti Akureyrarbær Skátafélaginu Klakki nýtt húsnæði undir starfsemi sína í kjallara Þórunnarstrætis 99, sem betur er þekkt sem gamli Húsmæðraskólinn. Á efri hæðum hússins hefur öll skammtíma- og skólavistun fyrir fatlað fólk í bænum haft aðsetur síðan í mars 2014.
Fasteignir Akureyrar hafa undanfarið unnið að endurbótum á húsnæðinu og það var Halla Björk Reynisdóttir formaður stjórnar Fasteigna Akureyrar sem afhenti Siguróla Magna Sigurðssyni varaformanni samfélags- og mannréttindaráðs lyklana af nýja húsnæðinu. Samfélags- og mannréttindaráð styrkir starfsemi skátanna og afhenti varaformaðurinn Ólöfu Jónsdóttur félagsforingja Klakks húsnæðið til umráða um hæl.
Fram kom í máli Ólafar að skátar eru afar ánægðir með þessa nýju aðstöðu þar sem hver flokkur getur komið sér fyrir með sín verkefni. Sérstaklega gat hún þess að barnastarf Klakks yrði nú mun auðveldara en skátaheimilið var áður við útivistasvæðið að Hömrum sunnan Akureyrar. Samgöngur við nýja heimilið er því öllu auðveldara.
Eftir formlega afhendingu gafst gestum kostur á að kynna sér starfsemi skátafélagsins og skoða húsakynnin. Í gildi er uppbyggingar- og framkvæmdasamningur milli bæjarins og skátafélagsins en þar er m.a. kveðið á um félagsaðstöðuna.
Saga hússins og framkvæmda þar
Árið 1943 lauk húsameistari ríkisins, Guðjón Samúelsson, við teikningar sínar af Húsmæðraskóla Akureyrar. Guðjón teiknaði nokkur hús á Akureyri á ferli sínum og má þar nefna Póst- og símabygginguna, Landsbankahúsið, Gagnafræðaskóla Akureyrar, Íþróttahúsið við Laugagötu, Sundlaug Akureyrar og Akureyrarkirkju. Húsið að Þórunnarstræti 99 ásamt Akureyrarkirkju eru að segja má þau einu sem eftir eru í nánast óbreyttri mynd og hefur því gamla Húsmæðraskólabyggingin mikið varðveislugildi. Byggingameistari hússins var Stefán Reykjalín og hófst smíði þess árið 1944 og var það vígt 13. október 1945.
Veturinn 1983-1984 var síðasti starfsvetur Húsmæðraskólans og rann þá starfsemi hans inn í nýstofnað hússtjórnarsvið Verkmenntaskólans á Akureyri. Verkmenntaskólinn starfaði í húsinu til vorsins 2002 þegar hússtjórnarsviðið flutti í nýtt húsnæði á Eyrarlandsholti. Eftir það var húsið notað af Háskólanum og síðustu árin af Akureyrarakademíunni.
Húsið var í sameiginlegri eigu ríkisins (75%) og Akureyrarbæjar (25%) þar til í júní 2012 þegar Akeyrarbær kaupir hlut ríkisins.
Húsinu hafði ekki verið mikið viðhaldið og þarfnaðist lagfæringar þegar Akureyrarbær kaupir eignarhlut ríkisins 2012. Endurnýja þurfti allt ytra byrði hússins svo sem endursteina hús, gera við og endurnýja tröppur, endurnýja gler, endurnýja þak bæði klæðningu, bárujárn, þakniðurföll svo og drenlögn og frárennslislagnir, lagfæra þurfti lóð o.fl.. Innandyra þarf að skipta út hurðum, gólfefnum, endurnýja ofnakerfi, vatnslagnir, hreinlætislagnir, raflagnir og mála húsnæðið í heild. Áhersla var lögð á við endurbæturnar að halda sem mest ú upphaflega hönnun hússins. Húsið er þrjár hæðir samtals 926,4 m² að stærð og fá Skátarnir neðstu hæðina til afnota og rekstur skammtímavistunar og skólavistunar á Akureyri á efri hæðum hússins. (akureyri.is)
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
