Skarpur kemur út í dag
Í Skarpi sem kemur út í dag er ítarlegt viðtal við kempuna Vilhjálm Pálsson. Hann var einn af 18 stofnendum Björgunarsveitarinnar Garðars og gegndi formennsku í sveitinni fyrstu 23 árin. Villi Páls fer vel yfir aðdragandann að stofnun sveitarinnar, rekur söguna og segir frá tæknibreytingum. Og auðvitað kemur hann með skemmtilegar sögur úr starfinu eins og honum einum er lagið.
Það er sitthvað fleira í blaðinu í dag, og meðal annars kynntir til sögunnar nokkrir nýjir liðir.
- Kristján Þór Magnússon, sveitarstjóri Norðurþings útskýrir hvernig gekk að mynda nýjan meirihluta og segir frá helstu áherslum á komandi kjörtímabili.
- Hjálmar Bogi Hafliðason oddviti Framsóknarflokks & félagshyggju segir sína skoðun á meirihlutaviðræðunum í stuttu spjalli við blaðamann Skarps.
- Atvinnulífið er nýr liður í Skarpi. Í sumar ætlar blaðið að skyggnast inn í atvinnulíf Þingeyinga og í dag hefst sú umfjöllun. Spjallað er við ungan Letta sem býr í Borgarhóli og hannar húsgögn undir merkjum Railis Design. Nýverið hlaut hann virtustu verðlaun í hönnunarheiminu fyrir borðstofuskenk sem hann hannaði.
- Næstu vikurnar ætlar Skarpur að hvíla sig á Þingeyingi í þaula og kynnir þess í stað Völsung vikunnar. Fyrsti Völsungur vikunnar er Karólína Pálsdóttir sem leikur með Völsungi í 2. deild kvenna.
- Enn einn nýji liðurinn heitir Matarkistan. Vel valdir matgæðingar stríða bragðlaukum lesenda með gómsætum uppskriftum og frásögnum af mat. Fyrsti matgæðingurinn heitir Agnes, frá Kanada og er grænkeri.
- Þá er á baksíðu skemmtilegt viðtal við listakonuna frá Kaldbak, Hörpu Fönn Sigujónsdóttir en hún hlaut nýverið tilnefningu til Grímuverðlauna fyrir tónlist sína í leikverkinu Í samhengi við störnurnar. Nýjasta verkefni Hörpu snýr að því að virkja fólk á landsbyggðinni til skapandi skrifa.
Þetta og meira til í Skarpi vikunnar. Sækja má um áskrift hér eða með því að hringja í 464-2000 eða 460-0750. Einnig má senda tölvupóst á skarpur@skarpur.is
Nýjast
-
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára.
Athugasemdir