Skarpur kemur út í dag
Skarpur kemur út í dag og er stútfullur af fréttum, viðtölum og mannlífi.
- Sigurveig Gunnarsdóttir er aðeins 22. ára en hefur þegar gefið út bók og á laugardag útskrifast hún með BS gráðu í jarðfræði frá Háskóla Íslands. Þegar hún var að vinna að lokaverkefni sínu fann hún 13 þúsund ára gamalt hvalbein í setlögum í Húsavík eystri en hún hélt erindi á alþjóðlegri hvalaráðstefnu á Húsavík (Norðurþingi) á þriðjudag um niðurstöður lokaritgerðar sinnar. Sigurveig er í ítarlegu og einlægu viðtali á blaðopnu þar sem hún ræðir jarðfræði, hvalbeinið, áhrifavalda, hesta, útilegur og margt fleira.
- EM – dagbók Pedda er á sínum stað, en hann lýsir mikilli dramatík á áhorfendapöllunum í Marseille þegar íslenska landsliðið lék gegn Ungverjum. Hann var mjög hás þegar Skarpur sló á þráðinn.
- Greining á íbúðaþörf Húsavíkur var kynnt á sérstökum íbúafundi í síðustu viku. Skarpur rýnir í málið og ræðir við Snæbjörn Sigurðarson verkefnisstjóra Norðurþings.
- Sigurjón Jóhannesson skrifar um hið sögufræga hús Sel að Ásgarðsvegi 1. sem í sumar fékk nýtt líf sem sjarmerandi veitingastaður.
- Fyrsta laxi sumarsins í Laxá í Aðaldal hefur verið landað.
- Guðni Bragason Mærukóngur, tónlistamaður, kennari og plötuútgefandi er í ítarlegu viðtali á baksíðu.
Þetta og margt fleira í blaði vikunnar. Áskriftarsíminn er 460- 0740 og 843 6583. Einnig er hægt senda póst á skarpur@skarpur.is eða egill@still.is
- Skarpur, 23. júní.
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
