Sjálfstæðisflokkur og Vg myndu bæta við sig manni
L-listinn, listi fólksins, mælist enn lang stærsta stjórnmálaaflið á Akureyri í nýrri könnun sem gerð hefur verið á vegum Félagsvísindadeildar Háskólans á Akureyri. L-listinn tapar samt nokkru fylgi miðað við kosningarnar 2010 og myndi missa einn bæjarfulltrúa og þar með meirihlutann í bæjarstjórn. Sjálfstæðisflokkurinn og Vinstri grænir eru hins vegar í sókn og bæta við sig töluverðu fylgi og báðir þessir flokkar myndu fá tvo bæjarfulltrúa samkvæmt könnuninni, en þeir hafa einn nú. Bæjarlisti Sigurðar Guðmundssonar myndi hins vegar tapa sínum fulltrúa. (Sjá línurit. Smellið á mynd til að stækka hana.)
Mér sýnist L-listinn geta vel við unað og það er athyglisvert hversu vel flokkurinn heldur sínu fylgi miðað við að vera einn í meirihluta. Þá er fróðlegt að sjá að sjálfstæðismenn og vinstri grænir virðast vera að sækja á en allir aðrir eru að tapa fylgi. Sérstaklega býst ég við að Framsókn og Samfylking hafi ástæðu til að íhuga sína stöðu á meðan hægt er hugsa sér að fylgi Bæjarlstans sé að fara til baka til Sjálfstæðisflokksins, segir Birgir Guðmundsson stjórnmálafræðingur við Háskólann á Akureyri í samtali við Vikudag.
Ánægja með meirihlutann
Í könnuninni, var einnig spurt um ánægju/óánægju með störf L-listans. Kemur þar fram að 5% svarenda eru mjög ánægð og 36% frekar ánægð með störf hans. Samtals eru því 41% bæjarbúa ánægðir með störf meirihlutans. Um 30% bæjarbúa eru hvorki ánægð né óánægð en 29% eru óánægð með störf L-listans, þar af voru 10% mjög óánægð.
Annar hver þorpari styður L-lista
Áhugavert er að skoða stuðning við flokkana eftir hverfum. Í ljós kemur að næstum annar hver íbúi í þorpinu, eða 48% þeirra sem búa norðan Glerár er stuðningsmaður L-listans á meðan rétt rúmlega 30% íbúa sunnan Glerár styður flokkinn. Mun líklegra er hins vegar að hitta fyrir fylgisfólk Vinstri grænna sunnan Glerár, en rúm 23% íbúa í þeim bæjarhluta styðja Vg á meðan aðeins rúm 8% íbúa norðan Glerár gera það.
Dalsbraut
Loks var í könnuninni spurt hvort fólk væri fylgjandi eða andvígt lagningu Dalsbrautar. Í ljós kom að sjónarmið bæjarbúa skiptust mjög í tvö horn. Helmingur bæjarbúa eru hlynntir lagningu Dalsbrautar, þar af eru 31% mjög hlynnt henni og 19% frekar hlynnt henni. Hins vegar eru 33% bæjarbúa á móti Dalsbrautarlagningunnni, þar af 21% mjög andvíg og 12% freka andvíg.
Könnunin var símakönnun á Akureyri sem gerð var dagana 9.-16. október af nemendum í þjóðfélagsfræði við Háskólann. Útakið var 1000 manns og svarhlutfall rúmlega 50%.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
