Símalaus samvera – hvatningarátak Barnaheilla, Símans og Símaklefans
Barnaheill, Símaklefinn og Síminn hafa tekið höndum saman í að hvetja til ábyrgrar símanotkunar og hvetja til símalausrar samveru. Hvatningarátakinu er ýtt úr vör í ljósi þess að rannsóknir sýna að skipulögð skjáhvíld geti eflt lífsgæði og skapandi hugsun barna.
Næstkomandi sunnudag 17. mars hefst fjögurra sunnudaga hvatningarátak þar sem að fjölskyldur eru hvattar til að taka sér meðvitað símafrí, svo sem á matmálstíma eða við heimalærdóm og jafnvel halda spilakvöld án símans.
Til þess að einfalda fjölskyldum verkefnið hefst í dag sala á Símaklefanum til styrktar málefninu og rennur salan beint til verkefna Barnaheilla er snúa að vernd gegn ofbeldi á börnum. Símaklefinn er góður geymslustaður fyrir símtækið og býður uppá einfalda leið til þess að leggja símann.
Þjóðarpúls Gallup sýnir að helmingur landsmanna telur sig verja of miklum tíma í símanum, eða öðrum snjalltækjum, og myndi gjarnan vilja draga úr notkun sinni. Þá telja 80% foreldra barna á aldrinum 10-14 ára barnið verja of miklum tíma í síma/snjalltækjum og myndu vilja minnka notkunina.
Nálgast má takmarkað upplag af Símaklefanum í vefverslun Barnaheilla, styðja við gott málefni og efla gæði samverustunda um leið.
„Með lýðheilsu barna í forgrunni er átakinu ætlað að hvetja fólk til að skapa góðar venjur varðandi símanotkun, alveg eins og við setjum okkur gjarnan markmið í hreyfingu, leik og starfi,“ segir Kristín Ýr Gunnarsdóttir, kynningar- og markaðsstjóri Barnaheilla.
„Á þessum tölum má sjá að það er færi á að hugsa betur hvernig við högum samvist við tækin. Eru matmálstímar símafríir, sunnudagsbrönsinn eða spilakvöldið? Litlar breytingar sem þessar velta oft þungu hlassi,“ segja Halla Hrund Logadóttir og Arna Frímannsdóttir hjá Símaklefanum.
,,Við hjá Símanum lítum á það sem hlutverk okkar að stuðla að ábyrgri notkun snjalltækja. Með samstarfi okkar við Barnaheill og Símaklefann viljum við hvetja fjölskyldur til að huga að umgengni barna við snjalltæki og styðja um leið við starf Barnaheilla” segir Erla Ósk Ásgeirsdóttir, framkvæmdastjóri Sjálfbærni og menningar hjá Símanum.
Um Barnaheill
Helstu áherslur Barnaheilla eru forvarnir gegn hvers kyns ofbeldi á börnum og að vera leiðandi afl í að breyta viðhorfum og verklagi varðandi málefni barna og réttinda þeirra. Með því að tryggja velferð barna aukast líkur á velfarnaði þeirra síðar á lífsleiðinni.
Um Símaklefann
Halla Hrund Logadóttir og Arna Frímansdóttir eru konurnar á bak við Símaklefann. Síðustu ár hefur ábyrg símanotkun verið þeim hugleikin. Þær hafa á þessum tíma unnið að framleiðslu á vöru, Símaklefinn, sem þær telja að geta stutt við ábyrga símanotkun.
Segir í tilkynningu um framtakið
Nýjast
-
Fór að hekla á meðan hann var fótbrotinn
„Þetta var skemmtilegt verkefni og veitt mér mikla gleði,“ segir Kormákur Rögnvaldsson hársnyrtinemi sem dundaði sér við það að hekla heilmikið dúlluteppi, með 187 dúllum, 10X10 að stærð hver. Ástæða þess að hann hóf að hekla teppið var sú að hann fótbrotnaði og þegar fóturinn þarf hvíld er best að nýta hendurnar til að gera eitthvað uppbyggilegt á meðan brotið grær. -
Hreyfiglöð handboltakempa og lektor í lífeðlisfræði
Vísindafólkið okkar er mánaðarleg kynning á vísindafólkinu okkar. Vísindamanneskjan í apríl er Nanna Ýr Arnardóttir, lektor í lífeðlisfræði við Hjúkrunarfræðideild. Nanna Ýr hefur ofurtrú á hreyfingu sem forvörn hverskonar og hefur með það að leiðarljósi aflað sér yfirgripsmikillar þekkingar á því sviði. -
Rekstur Norðurorku skilaði 629 milljón króna hagnaði
Rekstur Norðurorku gekk vel á liðnu ári. Ársvelta samstæðunnar var 5 milljarðar króna. Hagnaður ársins var 629 milljónir króna eftir skatta, eigið fé er 10 milljarðar króna. Á aðalfundi félagsins fyrr í vikunni var ákveðið að ekki verði greiddur arður af hlutafé. Samstæðureikningur samanstendur af rekstri Norðurorku og dótturfélagsins Fallorku ehf. auk áhrifa frá hlutdeildarfélögunum Tengir hf. og NORAK ehf. -
Árangursrík sýning í Barcelona:
Sýningin tókst frábærlega. Það var stríður straumur gesta í básinn til okkar alla sýningardagana og mikill áhugi á okkar þjónustu og tæknilausnum," segir Hilmar Guðmundsson, sölu- og markaðsstjóri Slippsins Akureyri, um þátttöku fyrirtækisins í sjávarútvegssýningunni Seafood Expo Global í Barcelona á Spáni. Sýningin stóð í þrjá daga og lauk síðdegis í gær. -
Skemmdarverk unnin á rútum.
Hún var ekki skemmtileg aðkoma sem blasti við Jónasi Þór Karlssyni eigenda Sýsla Travel þegar hann kom, síðdegis í gær, til að líta til með bílakosti fyrirtækis hans sem staðsettar eru á nýju bílastæði við Laufásgötu 4 á Akureyri. Einhverjir lítt vandaðir höfðu farið um og brotið glugga í rútum Jónasar. Gluggar í svona bílum er sterkir svo nokkur fyrirhöfn hefur verið við að vinna þessi óskiljanlegu skemmdarverk. -
Ársfundur SSNE Skorar á stjórnvöld að tryggja nægt fé til löggæslu
„Lögreglan á Norðurlandi þarf að hafa þann styrk sem nauðsynlegur er ef upp koma alvarlegri mál í því skyni að geta sinnt hlutverki sínu og tryggt öryggi borgaranna,“ segir í ályktun sem samþykkt var á ársþingi SSNE sem haldið var í Þingeyjarsveit nýverið. Skorað var á stjórnvöld að tryggja nú þegar nauðsynleg fjárframlög til málaflokksins. -
Akureyri - Framkvæmdir við Torfunef
Framkvæmdir við stækkun Torfunefsbryggju ganga ágætlega um þessar mundir. Lóðir verða boðnar út á næstu vikum og gangi allt að óskum verður hafist handa við að reisa hús á svæðinu á næsta ári. -
Stöðugur straumur á bás Samherja og Ice Fresh Seafood í Barcelona - Aðsóknarmet slegið -
Alþjóðlegu sjávarútvegssýningunni Seafood Expo Global í Barcelona lauk í gær , fimmtudag. Samherji og Ice Fresh Seafood voru með veglegan bás á þessari stærstu sjávarútvegssýningu heims á sviði veiða, vinnslu og sölu sjávarafurða. 2.244 fyrirtæki taka þátt í sýningunni frá 87 þjóðlöndum. -
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum.
Athugasemdir