Síkátir Súluungar komu saman á veitingastaðnum Strikinu
Jafnframt var Bjarni að fagna 40 ára starfsafmæli sínu á þessu þekkta aflaskipi og þar af sem skipstjóri í 30 ár. Við þetta tækifæri sýndi Gísli Sigurgeirsson fyrrverandi fréttamaður, nýja útgáfu af Súlumyndinni en Gísli hefur farið í nokkrar veiðiferðir með Súlunni í starfi sínu sem fréttamaður. Bjarni sagði að veislan hefði tekist mjög vel í alla staði en alls mættu um 100 manns á Strikið. "Við erum rosalega ánægð með hversu margir komu, því það var ómögulegt að geta sér til um það fyrirfram. Fólk skemmti sér mjög vel og þar með var tilgangnum náð," sagði Bjarni. Hann sagðist ekki geta sagt til um hversu margir hafi verið skipverjar um borð í Súlunni undanfarin 40 ár, það væri töluverður fjöldi, þótt margir hafi einnig verið lengi um borð. Sjálfur fór Bjarni sinn fyrsta túr á Súlunni þann 17. mars árið 1968 en þá var Baldvin Þorsteinsson skipstjóri og sonur hans, Þorsteinn Már Baldvinsson forstjóri Samherja var þá einnig um borð. Bjarni byrjaði af leysa af sem skipstjóri 1973 og tók svo við Súlunni árið 1978
Bjarni sagðist mjög sáttur við feril sinn um borð í Súlunni, "það væri lygi að segja annað. Það hafa ekki orðið nein óhöpp sem talandi er um og það er fyrir mestu. Það hafa allir komið heilir að landi og það skiptir öllu, því stundum hefur nú sopið á því. Þá hefur einnig gengið þokkalega og ég held að þessi bátur hafi skilað sínu, aflabrögðin hafa alla vega verið í meðallagi." Bjarni og Sverrir Leósson seldu Súluna til Síldarvinnslunnar í Neskaupstað á síðasta ári en þrátt fyrir það hefur Bjarni enn verið að fara með skipið til veiða, nú síðast í vetur og hann sagði að það gæti allt eins orðið að veiðiferðirnar yrðu fleiri. Saga Súlunnar nær allt aftur til ársins 1902 en til Akureyrar kom skipið 1905. Þrjú skip hafa borið þetta nafn, það fyrsta aðeins í fá ár. Gamla Súlan, forveri Súlunnar í dag, fórst út af Garðskaga í páskahretinu mikla árið 1963, þar sem fimm menn fórust en Grímur Karlsson skipstjóri á Sigurkarfa frá Njarðvík og menn hans björguðu öðrum skipverjum.
Nýjast
-
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna. -
Málefni verksmiðju PCC á Bakka - Óskað eftir fundi í atvinnuveganefnd Alþingis
,,Ég óskaði eftir því fyrir helgi við formann atvinnuveganefndar að forsvarsmenn sveitarfélagsins Norðurþings, PCC á Bakka og Samtökum iðnaðarins færu yfir stöðuna með okkur í atvinnuveganefnd þingsins sem allra fyrst."