Sigmundur Davíð sagði Ólaf Ragnar verið tilbúinn með utanþingsstjórn
Sigmundur Davíð Gunnlaugsson. Mynd úr safni
Sigmundur Davíð Gunnlaugsson fyrrverandi forsætisráðherra hefur síðustu daga verið að hitta framsóknarfólk í Norðurlandskjördæmi eystra og m.a. fundaði hann með Framsóknarmönnum á Akureyri síðastliðinn laugardag. Samkvæmt áreiðanlegum heimildum fréttavefsins dagskrain.is kom fram að Sigmundur Davíð mun sækjast eftir að leiða flokkinn í næstu kosningum og skipa áfram efsta sæti á lista Framsóknar í kjördæminu. Þá segir heimildamaður dagskáarinnar.is að Sigmundur Davíð hafi útskýrt sína hlið á því sem fram fór á milli hans og Ólafs Ragnars Grímssonar forseta Íslands á fundi þeirra 5. apríl s.l.
Sá fundur var undanfari þess að Ólafur Ragnar hélt fordæmalausan blaðamannafund á Bessastöðum. Þar skýrði hann blaðamönnum frá því að Sigmundur Davíð hafi óskað eftir fundi á Bessastöðum þar sem hann hafi lagt fram þingrofstillögu.
Sigmundur Davíð sagði fljótlega í kjölfarið af sér embætti forsætisráðherra eins og komið hefur fram. Hann hefur síðar sagt að engin formleg þingrofstillaga hafi verið lögð fram á umræddum fundi.
Heimildamaður fréttavefsins dagskrain.is fullyrðir að Sigmundur Davíð hafi sagt á fundinum á Akureyri um helgina, að á umræddum fundi hans á Bessastöðum með forseta Íslands þennan örlagaríka dag 5. apríl s.l. hafi Ólafur Ragnar tjáð honum; að hann væri tilbúinn með utanþingsstjórn. Hann hafi jafnframt sagt Sigmundi Davíð að Einar K. Guðfinnsson yrði forsætisráðherra og Már Guðmundsson seðlabankastjóri myndi fara fyrir fjármálaráðuneytinu. Þá sagðist Sigmundur Davíð telja að Þorsteinn Pálsson og Friðrik Sóphusson hafi átt að taka sæti í þessari ríkisstjórn.
„Þetta eru staðlausir stafir allt saman,“ sagði Örnólfur Thorsson forsetaritari þegar dagskrain.is bar þessi meintu orð forsætisráðherrans undir hann. „Ég spurði forsetann og þetta er vitleysa, en við vitum náttúrlega ekkert um það hvort þetta er rétt eftir haft eða ekki,“ sagði Örnólfur.
Sigmundur Davíð hafði ekki svarað fyrirspurn sem dagskrain.is sendi honum um málið áður en fréttin fór í loftið.
Fréttin var uppfærð kl. 23:00 :
Jóhannes Þór Skúlason aðstoðarmaður Sigmundar Davíðs Gunnlaugssonar hafði samband við blaðamann í kvöld og vildi koma því á framfæri að Sigmundur Davíð teldi vitlaust eftir sér hermt, „Sigmundur sagði ekki á fundinum [á Akureyri innsk. Blm.] og hefur hvergi sagt að forseti hafi tjáð honum á Bessastöðum að utanþingsstjórn væri tilbúin eða að einhverjir ákveðnir menn hafi átt að vera þar innanborðs,“ sagði Jóhannes í kvöld. Dagskrain.is mun fylgja málinu eftir. /epe.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.