Segja brennsluofn hafa neikvæð áhrif á ímynd og ásýnd Oddeyrarinnar
Hverfisnefnd Oddeyrar á Akureyri hugnast ekki að fá brennsluofn í hverfið. Norðlenska hefur beðið um starfsleyfi hjá Heilbrigðiseftirlitinu en fyrirtækið er m.a. með starfsstöð á Eyrinni. Eins og sagt var frá í blaðinu fyrr í sumar hafa kjötvinnslur á Húsavík og Kópaskeri fengið leyfi fyrir nýjum brennsluofnum og fyrirtæki á Akureyri hafa einnig sótt um slík leyfi. Auk Norðlenska er Heilbrigðiseftirlitið með umsókn frá sláturhúsinu B. Jensen til meðferðar.
Hverfisnefnd Oddeyrar ályktar að þrátt fyrir ströng skilyrði og góðan vilja Heilbrigðiseftirlitsins eigi þessi búnaður ekki erindi á þessu svæði m.a. vegna nálægðar við íbúðabyggð og fiskvinnslu.
„Auk þess sem þetta hefur neikvæð áhrif á ímynd og ásýnd svæðisins; þarna koma t.d. skemmtiferðaskip að landi auk þess sem lyktarmengun er fyrirsjáanleg. Þá telur nefndin þessi áform alls ekki í samræmi við fyrirhugað framtíðarskipulag svæðisins, þ.s. Íbúðasvæði færist lengra til austurs,“ segir í ályktun hverfisnefndarinnar.
Brennsluofnar eru taldir líklegri en aðrir til að bera með sér riðu og aðra smitsjúkdóma, því er mikilvægt að meðhöndlun þeirra sé rétt. Hingað til hefur úrgangur af þessu tagi verið urðaður. Brennsluofnar af þessu tagi hafa verið nokkuð umdeildir en sl. vetur lýsti Eiríkur Björn Björgvinsson, bæjarstjóri á Akureyri, áhyggjum sínum af því að útlit væri fyrir að brennsluofnarnir yrðu allt að sjö í landshlutanum, í stað þess að sveitarfélög sameinuðust um einn ofn. Það væri ekki umhverfisvænt að fjölga þeim um of og það gæti einnig leitt til þess að fyrirtæki freistist til að brenna meiri úrgangi en heimild kveði á um.
Nýjast
-
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland.
