Segir þörf á málefnalegri umræðu um lausagöngu katta
Eva Hrund Einarsdóttir, bæjarfulltrúi D-listans á Akureyri, á von á því að málefni um lausagöngu katta verði tekin fyrir í bæjarstjórn í haust. Málið hefur verið á milli tannanna á fólki en pistill um lausagöngu katta sem Snævarr Örn Georgsson skrifaði á vef Vikublaðsins fyrir skemmstu vakti gríðarlega athygli og mikil viðbrögð. Benti Snævarr m.a. á í pistli sínum að kettir drepi hundruði ef ekki þúsundi fugla á hverju ári og að honum hefði verið ráðlagt að setja net á barnavagninn hjá sér þegar barnið hans svaf úti til að verjast köttum. „Er þetta í alvörunni í lagi?“ skrifaði Snævarr.
Bæjarbúar ekki sammála
Eva Hrund segir að þetta sé eitt af þeim málum sem bæjarbúar hafi ekki verið sammála um. „Við verðum að fara að finna viðunandi lausn í málefnum gæludýrahalds sem snúa að kattahaldi í bæjarlandinu sem sátt er um á meðal íbúa sveitarfélagsins. Fyrir tveimur árum síðan samþykktum við í bæjarstjórn að fela Umhverfis - og mannvirkjasviði að koma með tillögu að takmörkunum en þær hafa ekki enn komið fram. Hugsanlega vegna þess að þetta er ekki einfalt mál.“ Í síðustu bókun ráðsins frá því í maí sl. segir: „Umhverfis- og mannvirkjaráð ályktar að lögð verði áhersla á bætta nýskráningu katta og þá til að mynda þá staðreynd að örmerking hjá dýralækni leiði ekki sjálfkrafa til skráningar hjá sveitarfélaginu. Einungis eru tæplega 150 kettir skráðir á Akureyri og forsenda stærri ákvarðana er að sjá umfangið. Einnig er lagt til að auglýsa og fræða um áhrif af lausagöngu katta á fuglalíf á varptíma og endurskoða svo þær samþykktir sem í gildi eru.“
Mikilvægt þykir að finna viðunandi lausn í málefnum gæludýrahalds sem
snúa að kattahaldi í bæjarlandinu. Mynd/Akureyri.is.
Segir líklegt að lausaganga verði bönnuð á endanum
Eva Hrund segir að þetta yrði skref í rétta átt en er þó á því að það þurfi að taka þetta skrefinu lengra ef vel á að vera. „Líklega verður lausaganga katta bönnuð á endanum en það verður hins vegar að gerast í hægum skrefum. Við bönnum ekki lausagöngu katta einn, tveir og þrír og þess vegna þurfum við að hefja samtalið og taka málefnalega umræðu um þetta mál við bæjarbúa. Ljóst er að skráningum katta, sem er skylda samkvæmt samþykkt Akureyrarbæjar um kattahald, er verulega ábótavant. Ég er fullviss um að þeir gæludýraeigendur sem halda ketti vilji gera vel. Mikilvægt er því að þeir sem halda ketti skrái gæludýr sín þannig að hægt sé að leggja mat á umfang kattahalds í bænum. Mikilvægt er að gögn sem gefa rétta mynd af stöðunni liggi til grundvallar til þess að umræða um þessi mál fari fram með sanngjörnum hætti,“ segir Eva Hrund.
Mikill meirihluti á móti lausagöngu
Í skoðakönnun Rannsóknarmiðstöðvar Háskólans á Akureyri (RHA) um lausagöngu katta árið 2018 kom fram að mikill meirihluti bæjarbúa á Akureyri vilji banna lausagöngu katta í bænum. Alls voru tæplega 43% mjög sammála og 14,5% frekar sammála því að banna ætti lausagöngu katta, en 28% ósammála. Tæplega 15% svöruðu hvorki né. Samkvæmt reglugerð Akureyrarkaupstaðar er kattahald bannað í Grímsey og mega kettir hvorki dvelja í Grímsey né koma í heimsóknir. Þá er lausaganga katta bönnuð í Hrísey.
Nýjast
-
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur. -
Söngveisla í Glerárkirkju á sumardaginn fyrsta
Tíunda kóramót eldri borgara á Norðurlandi fer fram á morgun sumardaginn fyrsta. Fyrsta kóramót eldri borgara var haldið á Húsavík á lokadaginn 11 maí 2002 með þátttöku fimm kóra sem komu frá Húsavík, Akureyri, Dalvík, og Hrísey, Siglufirði og Skagafirði. -
Samherji og Ice Fresh Seafood á stærstu sjávarútvegssýningu heims
Alþjóðlega sjávarútvegssýningin Seafood Expo Global í Barcelona á Spáni opnaði í gær, 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. Samherji og Ice Fresh Seafood eru að venju með stóran og vel útbúinn bás, þar sem tekið er á móti gestum frá öllum heimshlutum og afurðir kynntar. Ice Fresh Seafood sér um að selja afurðir Samherja og fleiri fyrirtækja. -
Himinhátt innanlandsflug
Í samtölum mínum við fólk af landsbyggðinni um samgöngur og flug heyrist sífellt háværari umræða um hækkandi verð á flugferðum innanlands. Íbúum landsbyggðarinnar er orðið tíðrætt um að ekki fyrir svo löngu hafi það frekar borgað sig að keyra milli Akureyrar og Reykjavíkur ef þrír voru í bílnum. Í dag þurfi ekki einu sinni að hugsa sig um hvort eigi að keyra eða fljúga, jafnvel þó að Loftbrúin sé notuð og einungis einn sé á ferð. Fólk grínast með að það sé ódýrara að millilenda í London á leið sinni til Reykjavíkur, en það er sorgleg staðreynd að það er ekkert grín. -
Sumardagurinn fyrsti í Sigurhæðum klukkan 13
Ferskustu listamennirnir í Pastel ritröð kynna verk sín:Nr. 37: Þorbjörg Þóroddsdóttir: Vögguvísuatómapar.Nr. 36: Egill Logi Jónasson: Hohner mér vel.Egill Logi aka Drengurinn fengurinn er tónlistar- og myndlistarmaður. Hann starfar á Akureyri og er hluti af listhópnum Kaktus.Þorbjörg Þóroddsdóttir er 19 ára ungskáld frá Akureyri. Hún varð stúdent frá MA í fyrra, stundaði nám við lýðháskóla á Jótlandi í haust og vinnur nú á leikskóla. Hún hefur unnið til þrennra verðlauna í ritlistarsamkeppni Ungskálda. -
Dr. Áslaug Ásgeirsdóttir skipuð rektor Háskólans á Akureyri
Dr. Áslaug Ásgeirsdóttir hefur verið skipuð sem rektor Háskólans á Akureyri frá og með 1. júlí næstkomandi. Skipan Áslaugar er samkvæmt ákvörðun Háskólaráðs frá 2. apríl síðastliðnum um að tilnefna hana sem næsta rektor skólans. Háskóla-, iðnaðar- og nýsköpunarráðherra samþykkti tillöguna og tekur Áslaug við rektorsstöðunni 1. júlí næstkomandi. Alls bárust fimm umsóknir um embættið en skipað er til fimm ára. -
Syngjandi sumarsveifla í Laugarborg
Að kvöldi síðasta vetrardags býður Kirkjukór Grundarsóknar í Eyjafjarðasveit til tónlistarveislu í Laugarborg þar sem sannarlega verður syngjandi sumarsveifla í aðalhlutverki. -
Ef ég væri sími.
Líklega er áhugi fólks á tækjum og tækni mismikill. Flestir eru þó duglegir í að passa uppá símana sína, tileinka sér tækninýjungar og uppfæra þá. Þetta litla tæki sem fylgir okkur mörgum í daglegu lífi. Síminn er gjarnan skammt undan, uppi á borði, í töskunni eða vasanum. Góður sími getur veitt okkur sítengingu við alheiminn, vini og vandamenn, afþreyingu, vinnuna og bara allt mögulegt.
Athugasemdir