Segir brýnt að fjölga slökkviliðsmönnum
Ólafur Stefánsson slökkviliðsstjóri á Akureyri segir brýnt að fjölga föstum starfsmönnum slökkviliðsins. Á undanförnum sex árum hefur þurft að fækka um þrettán starfsmenn hjá Slökkviliði Akureyrar vegna niðurskurðar hjá Akureyrarbæ. Fastir starfsmenn hjá slökkviliðinu í dag eru 25 og 30 starfsmenn í hlutastarfi með Hrísey og Grímsey. Þetta kemur fram ítarlegu viðtali við Ólaf í nýjasta tölublaði Vikudags.
„Við höfum þurft að hagræða með því að sameina störf og færa til. Þetta hefur gerst í þrepum. Árið 2011 voru 38 fastir starfsmenn í slökkviliðinu en þá sáum við einnig um slökkviliðsþjónustuna á Akureyrarflugvelli. Þegar Isavia sagði þeim samningi upp var starfsmönnuðum fækkað niður í 28. Síðan hefur smám saman verið að kroppa meira af okkur,“ segir Ólafur.
Spurður hvernig slökkviliðinu hefur gengið að mæta þessum niðurskurði þakkar Ólafur fyrst og fremst góðu starfsfólki fyrir. „Þetta hefur kostað aukið álag á starfsmenn og við megum ekki við miklu. Ef einhver slasast eða veikist lendum við í vandræðum. Þetta gengur því ekki til lengdar,“ segir Ólafur.
Spurður hvort slökkviliðið sé komið að þolmörkum vill Ólafur ekki taka svo djúpt í árina en segist hafa óskað eftir fleiri starfsmönnum við bæjaryfirvöld. „Við erum brothættir og það þarf lítið að gerast svo við lendum í vandræðum. Það er mín skoðun að það sé nauðsynlegt að fjölga í slökkviliðinu en það er í skoðun hjá bæjaryfirvöldum.“
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.