Segðu já við lífið
Í síðustu viku fór fram málþing í Háskólanum á Akureyri undir yfirskriftinni „Segðu já við lífið“. heppnaðist í alla stað vel. Málþingið var samvinnuverkefni Félags eldri borgara á Akureyri og Heilbrigðisvísindasviðs HA. Vel á þriðja hundrað þátttakendur áttu þar saman lærdómsríkan eftirmiðdag undir stjórn Valgerðar Jónsdóttur hjúkrunarfræðings M.Sc.
Málþingið hófst með söng frá frá kórnum „Í fínu formi“, sem er Kór eldri borgara á Akureyri undir stjórn Valmar Väljaots.
Ýmis fróðleg erindi voru flutt og má þar nefna hvað gerir vatnið fyrir kroppinn þar sem Dr. Stefán B. Sigurðsson, prófessor HA fræddi gesti um mikilvægi vatnsbúskapar líkamans. Olga Ásrún Stefánsdóttir, fjölskylduráðgjafi MA sagði frá rannsókn sinni um farsæld og frelsi efri áranna sem tengist reynslu hjóna af starflokum. Hafdís Hrönn Pétursdóttir iðjuþjálfi á Kristnesi talaði um hvað er ökumat, í hvaða tilgangi það er gert og framkvæmt. 
Síðan fluttu „Spékoppar“, leikhópur úr Félagi eldri borgara ásamt Sögu Jónsdóttur leikara bráðskemmtilega leikþætti um akstur eldri borgara undir heitinu ,,Auðvitað keyri ég“!
Að því búnu talaði Dr. Árún Kristín Sigurðardóttir, prófessor HA um það hvort líf með sykursýki sé hundalíf. Arna Rún Óskarsdóttir, öldrunarlæknir á SAK flutti erindi um þætti sem hafa áhrif á hvernig fólk getur lifað vel og lengi.
Mikil gleði var einkennandi á þinginu og fjölluðu eldri borgarar um málshætti á líflegan hátt og spurðu meðal annars hvort söngurinn gæfi líf í sál, hvort hláturinn lengi lífið eða hvort maður væri manns gaman og hvort rétt væri að morgunstund gæfi gull í mund?
Að endingu vakti Dr. Sigrún Sveinbjörnsdóttir, prófessor HA fólk til umhugsunar með erindi um lífið og tilveruna. Hún lagði áherslu á það að hver einstaklingur ræður því hvernig hann hugsar. Hún hvatti einnig gesti til að hafa hugrekki til að takast á við þau óvæntu og fjölbreyttu verkefni sem lífið færir hverjum og einum.
Haukur Ingibergsson formaður Landssambands félags eldri borgara ávarpaði þingið. Hann lýsti yfir ánægju með samvinnu Háskólans á Akureyri og Félags eldri borgara á Akureyri að sýna framtak í að vekja athygli á málefnum eldri borgara. Málþinginu sleit Haukur Halldórsson, formaður félags eldri borgara á Akureyri.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
