Sannfærandi sigur KA gegn Þrótti
KA vann í kvöld sinn þriðja leik í röð í 1. deild karla í knattspyrnu er liðið lagði Þrótt R. 4:1 á Akureyrarvelli. KA-menn voru mun betri í kvöld og var sigurinn fyllilega verðskuldaður. Heimamenn léku einum manni fleiri síðasta hálftímann eftir að Hallur Hallsson fékk að líta rauða spjaldið. Fyrirliði KA, Haukar Heiðar Hauksson, var á skotskónum í kvöld en hann skoraði tvö fyrstu mörk heimamanna og þeir Guðmundur Óli Steingrímsson og Daniel Howell sitt markið hvor. Mark Þróttar skoraði Sveinbjörn Jónasson.
Haukur Heiðar kom KA yfir eftir hálftíma leik. Elmar Dan Sigþórsson átti skalla í slá en Haukur fylgdi vel á eftir og skallaði boltann í netið. Haukur var svo aftur réttur maður á réttum stað á 42. mínútu er hann skoraði af stuttu færi og KA hafði 2:0 yfir í hálfleik.
Samvinna þeirra bræðra, Hallgríms Mar og Guðmundar Óla Steingrímssona, skilaði KA þriðja markinu á 75. mínútu. Hallgrímur átti þá góða sendingu inn á Guðmund sem var sloppinn einn í gegn og skoraði með góðu skoti í bláhornið. Staðan 3:0.
Þróttur náði hins vegar að klóra í bakkann einum manni færri aðeins tveimur mínútum síðar. Gestirnir hreinlega spændu þá upp vörn KA sem var algjörlega sofandi og endaði með því að Sveinbjörn Jónasson skoraði auðveldlega. Það var hins vegar KA sem átti síðasta orðið í leiknum. Dan Howell skoraði þá fjórða mark heimamanna eftir sendingu frá Boris Lumbana. Lokatölur á Akureyrarvelli, 4:1.
Gunnlaugur Jónsson þjálfari KA var að vonum sáttur í leikslok.
„Þetta er allt á réttri leið og það er stígandi í þessu. Við áttum leikinn algjörlega í kvöld og þetta var mjög sannfærandi. Ég var sérstaklega sáttur við fyrri hálfleikinn en ég er ósáttur við kæruleysið sem við sýndum þegar þeir skoruðu. En ég er virkilega ánægður með stigin þrjú og leikinn heilt yfir,“ sagði Gunnlaugur.
Með sigrinum í kvöld er KA komið með 20 stig í áttunda sæti deildarinnar, en Þróttur hefur 23 stig í fimmta sæti.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
