Samvinna - breytt vinnubrögð
Guðmundur Baldvin Guðmundsson
Eftir að hafa setið í bæjarstjórn í eitt kjörtímabil hef ég, nú í aðdraganda kosninga, mikið velt fyrir mér hvort taka eigi upp ný vinnubrögð við stjórnun bæjarins. Hvernig best er að málum sé háttað innan bæjarstjórnar og þá m.a. hvort þörf sé að skipta bæjarstjórn upp í meiri- og minnihluta.
Þessar vangaveltur mínar eru byggðar á reynslu minni af yfirstandandi kjörtímabili auk samtala sem ég hef átt við einstaka bæjarfulltrúa og almenna kjósendur um þessi mál.
Eins og gengur og gerist í sveitarstjórnarpólitíkinni hefur talsverð samvinna verið innan bæjarstjórnar og nefnda bæjarins á yfirstandandi kjörtímabili. T.a.m. viðhélt L-listinn vinnubrögðum, sem tekin voru upp í kjölfar efnahagshrunsins, og fólust m.a. í að vinna við gerð fjárhagsáætlana var samstarfsverkefni allra flokka í bæjarstjórn. Tel ég að okkur í bæjarstjórn hafi um margt tekist vel til á kjörtímabilinu þótt ég telji að ýmislegt hafi betur mátt fara.
Þarf meirihluta?
Vissulega þarf bæjarstjórn að setja fram stefnuskrá í upphafi kjörtímabils og verður að mínu mati ekki hjá því komist að mynda meirihluta og einungis spurning hversu margir flokkar koma að honum. Meirihlutinn hefur þannig með höndum verkstjórn í bæjarráði og bæjarstjórn og starfar náið með bæjarstjóra. Ég myndi hins vegar vilja sjá að allir bæjarfulltrúar tækju virkari þátt í nefndum bæjarins en verið hefur á yfirstandandi kjörtímabili. Sem dæmi má nefna að ein stærsta og mikilvægasta nefnd bæjarins, skólanefnd, hefur verið án bæjarfulltrúa á kjörtímabilinu. Þetta tel ég ekki gott og vil sjá að í öllum nefndum sé a.m.k. einn bæjarfulltrúi og eftir atvikum tveir þ.e. einn frá meirihluta og annar frá minnihluta.
Samvinna allir með
Það hvílir mikil ábyrgð á þeim sem ná hreinum meirihluta í kosningum og tel ég að L-listinn hafi ekki valdið þeirri ábyrgð að fullu. Ég tel m.a. að skort hafi á samræðu um stefnu bæjarins líkt og á sér stað þegar fleiri en einn flokkur koma að meirihluta. Þá tel ég að L-listinn hafi færst of mikið í fang með að ætla að stýra öllum nefndum og stjórnum á vegum bæjarins og ekki haft þann mannauð sem til þurfti. Það kann að vera að mikið álag sé skýring á hvers vegna allir bæjarfulltrúar L-listans láta nú af störfum, fyrir utan einn sem er í fjórða sæti nýja L-listans.
Af þessu þurfum við að læra og tel ég að við ættum að horfa til mun meiri samvinnu en verið hefur nokkru sinni í bæjarstjórn Akureyrar. Ég tel að við ættum að deila formennsku í nefndum milli allra flokka í bæjarstjórn þótt meirihlutinn hafi áfram meirihluta í nefndum. Jafnvel mætti ganga enn lengra með því að gera alla bæjarfulltrúa að formönnum nefnda og stjórna á vegum bæjarins. Það kann hins vegar að vera flóknara í útfærslu. Með þessu tel ég að samræða og samvinna í bæjarstjórn verði betri, samfélaginu til hagsbóta og við náum að virkja betur allt það góða fólk sem nær kjörí í komandi kosningum. Saman munum við takast á við verkefnið: Að gera góðan bæ betri.
Guðmundur Baldvin lGupðmundsson.
Guðmundur leiðir framboðslista Framsóknarflokksins á Akureyri
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.