Samþykkt heimila stjórn Greiðrar leiðar að auka hlutafé um allt að 200 milljónir
Á hluthafafundi í Greiðri leið ehf. sem haldinn var á Akureyri í dag, var samþykkt heimild til stjórnar félagsins um að mega hækka hlutafé félagsins um allt að 200 milljónir króna að nafnverði með innborgun á nýju hlutafé á genginu 1, eða upp í allt að 400 milljónir króna. Hækkunin komi til viðbótar heimild sem samþykkt var á hluthafafundi í félaginu þann 30. júní 2011. Fáist ekki áskrift að allri aukningunni frá hluthöfum heimilar fundurinn stjórninni að selja það hlutafé, sem ekki fæst áskrift að, til nýrra hluthafa og falla núverandi hluthafar frá forkaupsrétti að þeim hlutum. Gengi á því hlutafé sem selt verður til nýrra hluthafa verði ákveðið af stjórn. Heimildin gildi til 30. júní 2017.
Í greinargerð með tillögunni segir að stjórn félagsins telji rétt að vera undir það búin að mæta fjárþörf sem myndast vegna hlutdeildarfélagsins Vaðlaheiðarganga hf. Undirbúningur framkvæmda er í fullum gangi og fyrirsjáanlegt að auka þarf hlutafé í Vaðlaheiðargögnum hf. Ef núverandi hluthafar ná ekki að fjármagna fyrirhugaða aukningu þarf að leita til nýrra hluthafa og styrkja þannig um leið kjölfestu félagsins. Núverandi hluthafar þurfa þess vegna að samþykkja að falla frá forkaupsrétti sínum að þeim hluta aukningarinnar sem um er getið í tillögunni og ætlaður verður til sölu til nýrra hluthafa. Ekki stendur til að innkalla hlutafé í Greiðri leið ehf. strax, þar sem ekki er þörf á aukningu eiginfjár í Vaðlaheiðargöngum hf. fyrr en lán ríkisins verður endurfjármagnað á markaði. Á þeim tíma liggi auk þess fyrir að rekstrarhæfi félagsins til langs tíma verði tryggt, segir ennfremur í greinargerðinni.
Greið leið á 49% hlut í Vaðlaheiðargöngum hf. en Vegagerðin 51%.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.