Sala á bjór dróst saman um tæp 4% á milli ára
Verksmiðja Vífilfells á Akureyri. Mynd: Hörður Geirsson.
Sala á bjór dróst saman hjá Vínbúðunum á liðnu ári um tæp 4%, svipaður samdráttur varð í sölu á bjór frá Viking verksmiðjunni á Akureyri, en aftur á móti varð mikil aukning, eða um 21% hjá Bruggsmiðjunni á Árskógsströnd. Sala á árstíðabundnum bjór hefur aukist, einkum á jólabjór. Þorrabjór er að koma á markað, en sala á honum hefst á morgun, á Bóndadag 20. janúar. Unnsteinn Jónsson framleiðslustjóri hjá Viking á Akureyri segir að sala á bjór frá verksmiðjunni hafi dregist saman um tæp 4%, sem er svipaður samdráttur og varð almennt í bjórsölu hjá Vínbúðunum.
Bjórsala hefur farið minnkandi undanfarin ár, frá toppárinu 2008 hefur salan dregist saman um 9,2%. Bæði er minni sala í Vínbúðunum og eins á veitingahúsum, segir hann. Aukning hafi aftur á móti orðið á liðnu ári í sölu á bjór í Fríhöfninni, en reglum var breytt um mitt síðasta ár og mega ferðalangar nú taka með sér meira magn en áður.
Agnes Sigurðardóttir framkvæmdastjóri Bruggsmiðjunnar á Árskógsströnd segir að liðið ár hafi verið gott, sala á framleiðsluvörum fyrirtækisins jókst um 21% á milli áranna 2010 og 2011. Við erum himinlifandi yfir því, segir hún. Verksmiðjan var stækkuð á síðasta ári um 200 fermetra og framleiðslugetan er nú 550 þúsund lítrar. Þá hefur starfsfólki verið fjölgað og starfa nú 8 manns hjá Bruggsmiðjunni.
Unnsteinn og Agnes eru sammála um að að sala á árstíðabundnum bjór hafi aukist, fólk kunni að meta þá framleiðslu en einkum og sér í lagi hafi sala á jólabjór verið mikil undanfarin ár. Þorrabjór kemur í verslanir Vínbúðarinnar á morgun og er búist við þokkalegri sölu á honum, en fyrirtækin framleiða einnig páskabjór að venju. Agnes er sérlega ánægð með að jólabjórinn Kaldi náði því að verða sá þriðji söluhæsti á síðasta sölutímabili.
Áfengisgjald hækkaði um nýliðin áramót um 5,1%, þá er verð á eldsneyti í hæstu hæðum sem hefur áhrif á flutningskostnað. Allar þessar álögur gera okkur erfitt fyrir og við eigum ekki von á að salan aukist neitt á þessu ári, hún verður sennilega á svipuðu róli og undanfarin ár, en vonandi förum við að ná botninum, segir Unnsteinn. Viking hefur flutt út bjór undanfarin misseri, bæði til Bretlands og Bandaríkjanna og segir hann að vonir séu bundnar við að útflutningur aukist. Helstu möguleikar okkar felast í útflutningi á meðan ástandið er með þessum hætti heima fyrir, segir hann.
Agnes segir að skattaumhverfið sér sérlega óhagstætt fyrirtækjum í landinu, skattar hafi hækkað og álögur aukist. Ég myndi gjarnan vilja sjá meira verða eftir hjá fyrirtækjunum, eins og staðan er núna fer bróðurparturinn til ríkisins og maður nánast upplifir sig sem ríkisstarfsmann, það væri eins hægt að vinna hjá ríkinu. Það er eiginlega orðið sjúkt hvað ríkið tekur mikið til sín. Ég veit ekki hvar þolmörkin liggja en held að við séum alveg komin upp að þeim, segir hún en bætir við að samt sem áður ríki bjartsýni og menn ætli sér að komast í gegnum þetta.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.