Saga Travel og Könnunarsögusafnið: Í fótspor tunglfaranna á Íslandi
Á ferð um æfingaslóðir geimfaranna í fyrrasumar. Og farkosturinn af sömu sort og árgerð og sá sem flutti Armstrong og félaga fyrir rúmum 50 árum.
Í sumar hefst samstarf Saga Travel og Könnunarsögusafnsins á Húsavík þar sem boðið verður upp ferðir á þær slóðir hvar Apollo geim- og tunglfarar, með sjálfan Neil Armstrong í fararbroddi, æfðu í Þingeyjarsýslu fyrir fyrstu ferðir mannkyns að og á aðra hnetti. Þessar æfingar stóðu yfir fyrir rétt um hálfri öld og var þess rækilega minnst í fyrra með ýmsum viðburðum á vegum Könnunarsögusafnsins.
Ferðir af þessu tagi eru nýjung í ferðaframboði á Íslandi og vísast þó víðar væri leitað í veröldinni.
Þegar hefur verið kynnt á vef Saga travel ferð sem hefst í Reykjavík 6. júlí n.k. og í þeirri ferð verður meðal leiðsögumanna Dr. James W. Rice sem hefur í aldarfjórðung starfað fyrir NASA í tengslum við undirbúning mannaðra ferð til tunglsins og Mars og er m.a. sérfróðum um vatn á rauðu plánetunni. Og hann hefur áður starfað á Íslandi við jarðfræðirannsóknir af ýmsum toga.
Í þessari 7 daga ferð er m.a. komið við í hvalaskoðun á Húsavík, Tjörnes skoðað, Flateyjar/ Húsavíkurmisgengið kannað og Dettifoss sóttur heim. Að sjálfsögðu verður litið við í Holuhrauni og það gaumgæft. Og síðan farið á slóðir Armstrong og félaga á Öskjusvæðinu og áfram niður í Mývatnssveit og Gjástykki kannað í leiðinni.
Jarðfræðin er sem sé í öndvegi í þessari ferð, eins og raunin var auðvitað fyrir 50 árum, þegar bandarískir geimfarar voru hér á ferðinni. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.