Ríkisendurskoðun vill ekki gera arðsemismat á Vaðlaheiðargöngum
Ríkisendurskoðun hefur beðist undan því að gera arðsemismat á Vaðlaheiðargöngum en beiðni um slíkt kom frá umhverfis- og samgöngunefnd Alþingis nýlega. Sveinn Arason ríkisendurskoðandi telur það ekki vera lögbundið verkefni stofnunarinnar, auk þess sem hann væri vanhæfur vegna fjölskyldutengsla við Kristján Möller alþingismann en þeir eru mágar. Kristján er stjórnarmaður í Vaðlaheiðargöngum hf. Í svari Ríkisendurskoðunar segir að slíkt arðsemismat kynni að ráða úrslitum um það hvort ráðist yrði í framkvæmd við Vaðlaheiðargöng eða ekki.
Það sé hins vegar ekki lögbundið hlutverk stofnunarinnar að framkvæma slíkt mat, heldur einungis að endurskoða ríkisreikning og ársreikning ríkisaðila og að hafa eftirlit með framkvæmd fjárlaga. Í svarinu kemur þó fram það mat Ríkisendurskoðunar að stjórnvöld þurfi ávallt að láta vinna ítarlega greiningu á arðsemi og áhættu kostnaðarsamra samgönguframkvæmda áður en þau ráðast í slíkar framkvæmdir. Æskilegt sé að slíkt mat sé unnið af óháðum aðila. Bendir stofnunin á Hagfræðistofnun Háskóla Íslands í því sambandi. Steingrímur J. Sigfússon fjármálaráðherra sagði á Alþingi fyrir helgi, að fjármálaráðuneytið hefði ákveðið að leita ti óháðs aðila til að fá fram sjálfstætt mat á reikningslegum forsendum Vaðlaheiðarganga.
Nýjast
-
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr. -
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1.
