Ríkið greiði pilti 31 milljón króna í bætur vegna læknamistaka
Íslenska ríkið þarf að greiða pilti þrjátíu og eina milljón króna í miskabætur vegna læknamistaka sem hann varð fyrir á Fjórðungssjúkrahúsinu á Akureyri þegar hann var ellefu ára. Fjölskipaður Héraðsdómur Reykjavíkur komst að þessari niðurstöðu í gær. Drengurinn hlaut alvarlegan heilaskaða eftir að hafa fengið sýkingu í kvið árið 2004.
Móðir piltsins leitaði til heilsugæslustöðvar og Fjórðungssjúkrahússins á Akureyri í nóvember árið 2004, vegna þess að hann kastaði upp og kvartaði undan kviðverkjum og hita. Hann var þá ellefu ára. Hann var lagður inn á sjúkrahúsið og gerðar á honum aðgerðir vegna alvarlegrar sýkingar í kviðarholi og garnastíflu. Viku eftir að hann var lagður inn tók drengurinn að kvarta undan miklum verkjum, missti meðvitund og fór í hjartastopp. Hann fékk hjartahnoð og var haldið sofandi næstu fimm sólahringa. Þegar hann var vakinn kom í ljós að hann hafði hlotið mikinn heilaskaða. Hann er með skerta heyrn og sjón, nær engin tjáskipti við umhverfið, verulega spastískur og bundinn við hjólastól.
Landlæknir rannsakaði málið að frumkvæði spítalans, og komst að þeirri niðurstöðu að læknar hefðu ekki brugðist starfskyldum sínum. Spítalinn hafnaði því að greiða piltinum bætur. Foreldrar piltsins fengu álitsgerð frá lyfjafræðiprófessor við Háskóla Íslands, sem komst að þeirri niðurstöðu að lyfjameðferð og vökvameðferð sjúklingsins hefði ekki verið í samræmi við eðlilegar verklagsreglur. Dómkvaddir matsmenn töldu að sjúkdómstilfellið hefði verið flókið og erfitt, en meðferðin hefði ekki verið fullnægjandi. Niðurstaða dómsins var sú að mistök við lyfjagjöf og hjartahnoð, og of sein viðbrögð við endurlífgun sjúklingsins, hefðu valdið honum líkamstjóni. Starfsfólk fjórðungssjúkrahússins hefði sýnt af sér stórkostlegt gáleysi. Íslenska ríkinu var því gert að greiða piltinum, sem nú er átján ára, þrjátíu og eina milljón króna í bætur. Þetta kemur fram á vef RÚV.
Nýjast
-
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is: -
Opið fyrir umsóknir í Slipptöku Driftar EA 2025
Drift EA hefur opnað fyrir umsóknir í Slipptökuna (e. Test Drive) 2025. Í Slipptökunni felast fjórar kraftmiklar vinnustofur fyrir frumkvöðla og teymi með hugmyndir sem eru tilbúnar á næsta stig. Slipptakan endar á formlegri kynningu verkefnanna þar sem valin verkefni komast áfram í Hlunninn. -
Þorsteinn Kári gefur út Skuggamynd
Lagið var hljóðritað að mestu leyti á Akureyri síðla árs 2023, en trommurnar voru hljóðritaðar í Berlín. Upptöku á Akureyri stjórnaði Þorsteinn Kári sjálfur, en tökum á trommum stjórnuðu Jón Haukur Unnarsson ásamt Nirmalya Banerjee. -
Fjármögnun lokið á nýrri landeldisstöð Samherja
Samherji fiskeldi ehf., dótturfélag Samherja hf., hefur lokið fjármögnun fyrsta áfanga Eldisgarðs, nýrrar landeldisstöðvar við Reykjanesvirkjun, með útgáfu nýs hlutafjár og sambankaláni. Fjármögnun fyrsta áfanga nemur 235 milljónum evra, jafnvirði 34 milljarða króna. Eitt hundrað ný störf verða til í stöðinni og annar eins fjöldi afleiddra starfa. Stefnt er að því að taka stöðina í notkun á fyrsta ársfjórðungi 2027. -
Ný bók frá Gunnari J. Straumland
Út er komin hjá bókaútgáfunni Sæmundi ný bók eftir Húsvíkinginn Gunnar J. Straumland. -
Hvatningarverðlaun BSE vegna ársins 2024
Fátt er mikilvægara fyrir íslenskan landbúnað en hafa baráttufólk sem berst með oddi og egg fyrir framtíð og starfsskilyrðum greinarinnar.
