Rektor kallar eftir svörum frá stjórnvöldum
Háskólinn á Akureyri. Mynd: Daníel Starrason/unak.is
Á síðustu tuttugu starfsárum Háskólans á Akureyri (HA)hefur nemendafjöldi fimmfaldast á meðan starfsmannafjöldi hefur aðeins tvöfaldast.
Á ársfundi HA sem fram fór í gær kom fram að háskólinn er hröðum skrefum að nálgast takmarkið um 2.500 nemendur sem skólinn hefur sett sér. Að sama skapi hefur akademísku starfsfólki skólans ekki fjölgað jafn hratt.
Einn af mælikvörðum um gæði í háskólastarfi er fjöldi nemenda á hvern starfsmann. Í þeim löndum og háskólum sem íslensku háskólarnir vilja bera sig saman við er almennt viðmið að það séu 8–10 nemendur á hvern akademískan starfsmann. Við Háskólann á Akureyri eru nú u.þ.b. 14 nemendur á hvern akademískan starfsmann. Til að standast þessi alþjóðlegu viðmið og geta veitt persónulega þjónustu þarf HA því að bæta við sig starfsfólki án þess að það leiði til aukins nemendafjölda.
Á fundinum í gær kom fram að nú væru 194 starfsmenn að sinna samtals 171 ársverki við skólann og þar af eru u.þ.b. 110 akademískir starfsmenn. „Við höfum haldið rekstrinum réttu megin við núllið á erfiðum tímum. Nú er komið að tímamótum í rekstrinum þar sem ríkisframlög standa í stað að raunvirði á meðan fjöldi nemenda er á hraðri uppleið og starfsmannafjöldi stendur í stað,“ sagði Eyjólfur Guðmundsson, rektor Háskólans á Akureyri.
Einnig kom fram í máli Eyjólfs að ef Háskólinn á Akureyri eigi að geta tekið við fleiri nemendum þá þurfi aukið fé úr ráðuneytinu inn í skólann. „Í dag erum við að fá greitt fyrir hvert nemendaígildi og HA er kominn fram yfir þá tölu,“ sagði Eyjólfur.
Eyjólfur sagði það hljóta að vera eðlilega kröfu að fá skýr svör frá stjórnvöldum um hver framtíðar stefna þeirra væri fyrir íslenska háskólakerfið. „Við erum ekki að tala um aukið fjármagn til að auka verulega við nemendafjöldann heldur til að viðhalda gæðum námsins og geta veitt eðlilega þjónustu sem hefur setið á hakanum í allt of langan tíma,“ sagði Eyjólfur Guðmundsson, rektor.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.