Rekstur Hlíðarfjalls í útboð - Nýja stólalyftan opnuð með pompi og prakt næsta vetur
Stjórn Hlíðarfjalls hefur um nokkurt skeið verið að skoða möguleika á að útvista starfsemi skíðasvæðisins í Hlíðarfjalli. Halla Björk Reynisdóttir, forseti bæjarstjórnar og formaður stjórnar Hlíðafjalls sagði fyrir ári síðan að reksturinn hefði verið erfiður en kostnaður þann skíðavetur var tæpar tvö hundruð milljónir króna.
Útboðsgögn voru kynnt á síðasta fundi bæjarráðs Akureyrar og segir Halla Björk í samtali við Vikublaðið að hún vonist til að gögnin verði samþykkt í bæjarráði í dag, fimmtudag. Útboðið verður auglýst í samstarfi við Ríkiskaup.
Aðspurð hvernig rekstur Hlíðarfjalls hafi gengið í vetur segir Halla Björk að það hafi gengið vonum framar. „Þetta gæti auðvitað alltaf verið betra, en þrátt fyrir aðstæður þá var aðsókn mjög góð. Við vorum með marga góða daga þar sem aðsókn var mjög mikil,“ segir hún.
Halla Björk leggur áherslu á að erfiðleikar í rekstri vegna Covid -19 hafi ekkert með það að gera að verið sé að bjóða reksturinn út. „Við höfum verið að skoða þennan möguleika mun lengur. Okkur langar einfaldlega til að skoða hvort það séu ekki einhverjir áhugasamir og hugmyndaríkir einstaklingar þarna úti sem geta séð um þennan rekstur fyrir sama pening eða minni.“
Nýja lyftan fór ekki í gang
Ný stólalyfta í Hlíðarfjalli sem upphaflega átti að vera tilbúin í desember 2018 var ekki tekin í notkun í ár þrátt fyrir loforð um annað. Þetta hefur verið sagan endalausa en ítrekað hefur því verið lofað í fjölmiðlum að lyftan sé að verða tilbúin.
Kostnaður við uppsetningu lyftunnar hefur farið langt fram úr áætlun og haustið 2019 var ljóst að kostnaður vegna uppsetningar myndi falla á Akureyrabæ. Í desember sama ár samþykkti bærinn að gera nýjan samning við Vini Hlíðarfjalls sem gerði ráð fyrir að bærinn keypti lyftuna við verklok á 323 milljónir króna, í stað þess að leigja hana til 15 ára.
Aðspurð hvað valdi þessum töfum segir Halla Björk að eitt og annað hafi komið upp á. „Stólar í lyftunni stórskemmdust m.a. í veðri og viðgerðir hafa tekið sinn tíma. Covid hefur líka tafið allt ferlið umtalsvert,“ útskýrir hún. Halla Björk blæs á sögusagnir um að ekki sé nægt rafmagn á svæðinu til að reka lyftuna. „Það er búið að leggja rafmagn fyrir lyftuna, það er ekki vandamálið. Hins vegar er rétt að veðurskilyrði eru ekki alltaf góð á þessum stað. Það er ljóst að í S-vestan roki þarf að binda niður stóla og þá er ekki hægt að hafa hana opna. Lyftan verður engu að síður kærkomin viðbót við þjónustuna á góðviðrisdögum. Þegar við sáum að erfitt yrði að opna lyftuna á nýliðinni skíðavertíð ákváðum við að gefa okkur tíma til að vanda til verks og opna lyftuna með pompi og prakt næsta vetur.“
Fréttin hefur verið uppfærð:
Ranglega var haft eftir Höllu að hún vonist til þess að útboðsgögn verði samþykkt í bæjarstjórn í dag, hið rétta er að hún vonast til að gögnin verði samþykkt í bæjarráði. búið er að leiðrétta fréttina.
Nýjast
-
Götuhornið - Gamlingi á villigötum
Mig hefur lengi langað til að senda bréf til Götuhornsins. Mér hefur legið ýmislegt á hjarta og fannst það eiga fullt erindi til lesenda. Þetta hefur þó ekki getað orðið fyrr en nú vegna vandræða sem ég lenti í og þurfti að greiða úr. -
Fyrsta alþjóðlega hótelið á landsbyggðinni mun opna á Akureyri árið 2025
Fyrirhugað er að fyrsta alþjóðlega hótelið á landsbyggðinni mun opna á Akureyri 2025 undir merkjum Curio Collection by Hilton. Framkvæmdin verður í samvinnu við Bohemian Hotels. „Bohemian Hotels ehf., í samstarfi við Hilton, tilkynnir með stolti undirritun tímamótasamnings um byggingu og rekstur tveggja hágæða hótela á Íslandi. Þessir samningar marka ákveðin tímamót í hótelgeiranum á Íslandi og færa Akureyri gistingu og þægindi á heimsmælikvarða til jafns við Reykjavík" segir i tilkynningu frá Bohemian Hotels. -
Kuldatíð seinkar vorverkum
Talsverðar líkur er á að kal verði í túnum í Svarfaðardal en sennilega sleppa önnur svæði í héraðinu betur þó ekki sé það fullvíst. Kuldatíð seinkar vorverkum bænda og gæti í versta falli orðið til þess að spretta fari seinna af stað en vanalega, snjór er yfir öllum túnum og því ekki hægt að bera á. -
Goblin opnar á Glerártorgi
„Eins leitt og okkur þykir að yfirgefa fallega miðbæinn okkar, erum við afar spennt fyrir þessum flutningum og hlökkum til að bjóða viðskiptavini okkar velkomna á Glerártorgi,“ segja þau Þorsteinn Marinósson og Ásta Hrönn sem eiga Goblin. Starfsemin hefur verið við Brekkugötu undanfarin ár en flyst nú í rýmra húsnæði á Glerártorgi. -
Lystigarðurinn - Kostar meira að pissa
Gjald fyrir afnot af salernisaðstöðu í Lystigarðinum á Akureyri hækkar 1. maí næstkomandi, út 150 krónum eins og áður var í 300 krónur. Gjaldið verður endurskoðað við gerð gjaldskrár Umhverfis- og mannvirkjaráðs Akureyrarbæjar árlega. -
Bókakynning á Amtsbókasafninu á Akureyri á morgun.
Kristín Guðmundsdóttir höfundur bókarinnar Tólf lyklar verður með kynningu á bókinni á Amtsbókasafninu á morgun og hefst kynningin klukkan 15:30. Bókin er fyrir fólk af erlendum uppruna sem er búið með grunninn í íslensku. -
Barnamenningarhátíð á Akureyri
Barnamenningarhátíð á Akureyri er nú haldin í sjöunda sinn og hefur vaxið ár frá ári. Hátíðin teygir sig yfir allan aprílmánuð með það að markmiði að hvetja börn og fjölskyldur þeirra til að taka virkan þátt í menningarlífi bæjarins sér að kostnaðarlausu.Á dagskrá eru fleiri en 50 viðburðir af ýmsu tagi. -
Sigríður Örvarsdóttir nýr safnstjóri Listasafnsins
Sigríður Örvarsdóttir hefur verið ráðin nýr safnstjóri Listasafnsins á Akureyri. Sigríður er með MA gráðu í safnafræði frá Háskóla Íslands (2018), BA gráðu í textílhönnun frá Seminaret for Kunst og Haandværk í Danmörku (2001), ásamt meistaranámi í prjónahönnun frá Academie Royale des Beux-Arts (2014) og viðbótardiplómu í hagnýtri jafnréttisfræði frá Háskóla Íslands (2009). Auk þess er hún með kennsluréttindi í grunn- og framhaldsskóla (2001). Sigríður hefur starfað sem safnstjóri og forstöðumaður Menningarmiðstöðvar Þingeyinga frá árinu 2022 og veitir sem slík forstöðu Myndlistarsafni Þingeyinga en safneign þess telur um 1.900 verk. Í starfi sínu stýrir hún starfseminni og ber ábyrgð á öllum þáttum rekstrar, allri fjárhags- og verkefnaáætlanagerð, bókhaldi, mannauðsmálum, rekstri fasteigna og faglegu starfi sjö annarra safneigna og fjögurra sýningarstaða. Sigríður starfaði sem verkefnastjóri sýninga hjá Akureyrarbæ sumarið 2021. Í því starfi sinnti hún sýningagerð, rannsóknarvinnu og kynningarmálum. Árin 2019 til 2020 var hún sjálfstætt starfandi ráðgjafi við gerð safnastefnu Akureyrarbæjar. Hún gegndi starfi safnafulltrúa Listasafnsins á Akureyri árið 2012 og árin 2010 og 2012 starfaði hún sem verkefnastjóri samsýninga og ritstjóri safnahandbóka fyrir söfn á Norður- og Norðausturlandi. Árin 2008 til 2012 starfaði hún sem safnkennari við Minjasafnið á Akureyri. Sigríður hefur reynslu af kennslu í list- og hönnunargreinum á öllum skólastigum innan lands sem utan, m.a. hjá Listaháskóla Íslands og Marbella Design Academy á Spáni. Hún hefur tekið þátt í alheimsþingi ICOM, alþjóðaráðs safna og verið fulltrúi þess í Rannsóknarsetri í safnafræðum við Háskóla Íslands. Alls bárust 14 umsóknir um starfið. -
Virðist sem skorti pólitískan vilja
Stjórn og trúnaðarráð Framsýnar kom saman til fundar í gær. Mörg mikilvæg mál voru til umræðu á fundinum m.a. samgöngumál. Ákveðið var að hvetja Vegagerðina og stjórnvöld til að styðja við áætlunarflug um Húsavíkurflugvöll auk þess styðja betur við Loftbrúna sem skiptir íbúa á landsbyggðinni verulega miklu máli. Fjölga þarf ferðum sem menn geta nýtt sér á þessum sérstöku kjörum
Athugasemdir