RÁÐSTEFNAN SNJALLARI SAMAN HEPPNAÐIST VEL
Rúmlega 200 manns mættu í Háskólann á Akureyri á ráðstefnuna Snjallari saman – upplýsingatækni og miðlun í skólastarfi. Mynd:unak.is
Ráðstefnan Snjallari saman – upplýsingatækni og miðlun í skólastarfi sem haldin var á vegum miðstöðvar skólaþróunar við Háskólann á Akureyri (MSHA) heppnaðist í alla stað vel, samkvæmt fréttatilkynningu á vef Háskólans á Akureyri. Rúmlega 200 þátttakendur áttu þar saman lærdómsríkan dag í blíðskapar veðri.
Rektor Háskólans á Akureyri, dr. Eyjólfur Guðmundsson, setti ráðstefnuna og bað ráðstefnugesti ætíð að hafa í huga að tala vel um kennarastarfið sem væri með þeim ábyrgðarmeiri í samfélaginu. Hann vísaði til blaðagreinar frá upphafi árs sem hafði vakið hann til umhugsunar um mikilvægi orðræðunnar og þess að hún sé jákvæð í það minnsta frá okkur kennurum sjálfum. Einnig fékk rektor salinn til að taka upp snjalltækin og hefja tíst um efni ráðstefnunnar og má sjá afrakstur tísta dagsins í Storify formi á vefsíðu MSHA. 
Fyrsta aðalerindi var í höndum Kjartans Ólafsonar sem hefur til margra ára rannsakað og skrifað um netnotkun ungmenna, hans erindi „Undir oki upplýsinga(r)“ beindi sjónum ráðstefnugesta að boðum og bönnum í tengslum við netnotkun. Hann sagði m.a. netið vera upplýsingaveitu sem svipar til bókasafna og rétt eins og börnum og ungu fólki er kennt að nota bókasöfn þarf að kenna þeim að nota netið. Hann benti á að í gegnum söguna hafa nýir samskiptamátar valdið usla og áhyggjum þeirra fullorðnu en mikilvægara er að eiga samtal við unga fólkið, læra sjálfur á tæknina og nýta möguleika hennar.
Fyrsta málstofulota hófst að loknu kaffihléi og voru sjö málstofulotur í boði hver annarri áhugaverðari. Margrét Þóra Einarsdóttir og Helena Sigurðardóttir stigu á svið eftir matarhlé og kölluðu sitt erindi „Að nota rafræna kennsluhætti. Hversu snjallt er það?“. Með þeim voru fjórir nemendur sem veittu innsýn í hug nemenda þegar kemur að notkun rafrænna kennsluhátta. Margrét og Helena sýndi leikræn tilþrif meðal annars og má með sanni segja innlegg þeirra og nemendanna, Arndísar, Egils, Katrínar og Kristjáns hafi slegið í gegn.
Önnur málstofulota ekki síðri en hin fyrri rann í gegn og síðasta aðalerindið var í höndum Tryggva Thayer verkefnisstjóra Menntamiðju og framtíðarfræðingur. Nefni hann sitt erindi „Veldisvaxandi tæknibreytingar og þekkingarþarfir kennara: Hvað þurfa kennarar að kunna og hvernig læra þeir það?“ fór hann þar á áhugaverðan hátt yfir starfsþróunarþarfir kennara og kosti samfélagsmiðla í því sambandi ásamt umfjöllun um reynslu af Samspili 2015, UT-átaki Menntamiðju og UT-torgs. 
Ráðstefnugestir og ráðstefnuhaldarar voru upp til hópa afar ánægðir með daginn sem tókst með eindæmum vel. (unak.is) /epe.
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.