Ráðast þarf í lagfæringar á Akureyrarvelli og Þórsvelli
Setja þarf sæti í stúkuna á Akureyrarvelli og stúkan á Þórsvelli míglekur enn. Mynd: Hörður Geirsson.
Þegar rétt þrír mánuðir eru þar til Íslandsmótið í knattspyrnu hefst, er enn mikil óvissa um ástand bæði Akureyrarvallar og Þórsvallar fyrir sumarið. Enn er bið í að sæti verði sett í stúkuna við Akureyrarvöll en það er skilyrði að hálfu KSÍ svo KA geti leikið heimaleiki sína þar í sumar. Málið strandar á fjármagni til verksins. Þórir Hákonarson, framkvæmdarstjóri KSÍ, segir að sambandið sé reiðubúið með fimm milljóna króna styrk til verkefnisins svo KA geti klárað framkvæmdir við stúkuna og völlurinn verði löglegur í sumar. Skilyrði fyrir útgreiðslu styrksins sé að mannvirkið uppfylli skilyrði leyfiskerfis KSÍ fyrir félög í 1. deild karla. Þar vegur þyngst krafan um 300 aðskilin sæti, eins og áður hefur verið greint frá. Þá segir Þórir ennfremur að hann hafi ítrekað komið því á framfæri við Akureyrarbæ að þessir fjármunir verði greiddir út til KA um leið og fyrir liggur staðfesting á því að sætin verði sett upp.
Oddur Helgi Halldórsson, formaður bæjarráðs, segist í samtali við Vikudag, ekki kannast við þetta. Hann er svekktur út í forsvarsmenn KSÍ varðandi aðkomu að málinu og að lítið sé að marka hvað þeir segja. Aðspurður um hvernig málin standa í dag og hvort til standi að fara í nauðsynlegar framkvæmdir fyrir tilsettan tíma segir Oddur: Ætli við reddum þessu ekki og kaupum sætin og setjum þau upp. Ég reikna með að það verði gert. Það er engin lausn komin ennþá en hún verður fundin. Að öðrum kosti þarf KA að finna sér nýjan heimavöll.
Lagfæringar á Þórsvelli
Um vandamálið á Þórsvelli, þar sem umtalsverðar skemmdir hafa orðið á stúkunni vegna vatnsleka og ekkert lát virðist á, segir Oddur að verið sé að vinna í því að ná samkomulagi við verktaka og hönnuði sem komu að mannvirkinu um kostnað við lagfæringar. Reiknað sé með að ráðist verði í viðgerðir á stúkunni öðru hvoru megin við sumarið en Oddur leggur áherslu á að ef farið verði í framkvæmdir í vor komi það ekki í veg fyrir að hægt verði að spila á vellinum. Ekki standi til að innsigla völlinn og hann þar af leiðandi óleikfær, en sú saga hefur gengið fjöllum hærra. Ef farið verður í lagfæringar í sumar væri hægt að nota búningsklefana í Hamri og ég reikna með að áhorfendur geti setið í stúkunni, segir Oddur.
Sigfús Ólafur Helgason, formaður Þórs og forstöðumaður á Þórsvelli, furðar sig á seinagangi Akureyrarbæjar á málinu. Stúkan míglekur enn og þetta heldur áfram að skemmast dag frá degi, á meðan það er hláka. Staðan er slæm og það er með hreinum ólíkindum hvað menn eru rólegir með þetta dýra mannvirki, segir Sigfús
Nýjast
-
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45.