Ráðast á í endurbætur á Hlíð á næstu tveimur árum
Formaður bæjarráðs Akureyrar segir að komast þurfi að niðurstöðu um framtíðarrekstur Öldrunarheimilina sem fyrst.
Í fjárhagsáætlun Akureyrarbæjar fyrir árin 2019 og 2020 er gert ráð fyrir 350 milljónum til öldrunarmála. Þar er sérstaklega horft til endurbóta á Dvalarheimilinu Hlíð en vinnuhópur á vegum bæjarins vinnur að endurbótaáætlun á Hlíð. Þetta segir Guðmundur Baldvin Guðmundsson formaður bæjarráðs Akureyrar í samtali við Vikudag.
Eins og fram kom í grein í blaðinu í síðustu viku, sem rituð var af hjúkrunarforstjóra ÖA og forstöðumanni í Lögmannshlíð, er víða aðkallandi þörf til að breyta og bæta aðstæður íbúanna á Hlíð. Þar er núverandi húsnæði úrelt og fullnægir ekki þeim kröfum sem gerðar eru til hjúkrunarheimila í dag.
Í elstu hlutum húsnæðisins í Hlíð búa 54 íbúar og sum herbergin aðeins 9 fermetrar. Þar sem minnstu herbergin eru deila tveir íbúar snyrtingu eða jafnvel tíu íbúar með þrjár snyrtingar. Guðmundur Baldvin segir þetta slæmt en stóra málið sé framtíðarrekstur öldrunarheimilina. Daggjöld duga ekki fyrir rekstri og Akureyrarbær hefur á sl. fimm árum greitt 843 milljónir króna með rekstri ÖA.
„Getum ekki kastað þessu svona á milli okkar“
„Daggjöld þurfa að hækka og svo verður einfaldlega að fara að ákveða hver á að reka öldrunarheimilin. Akureyrarbær er með samning út árið 2018 og við höfum sagt við ráðamenn og þingmenn að daggjöldin séu það lág að bragarbótar sé þörf. Það þarf að gerast hratt og við þurfum skýr svör um framhaldið,“ segir Guðmundur Baldvin. Hann segir jafnframt að ekki sé boðlegt að eldri borgurum blæði fyrir togstreitu milli ríkisins og sveitarfélagsins í öldrunarmálum.
„Við getum ekki kastað þessu svona á milli okkar endalaust og þurfum að komast að niðurstöðu. Það er alveg ljóst að það vantar stefnu í öldrunarmálin. Rekstur hjúkrunarheimila er að þyngjast. Ég tel að við séum að veita góða þjónustu, en við það þarf að tryggja hærra fjármagn í formi daggjalda svo hægt sé að gera enn betur,“ segir Guðmundur Baldvin.
Nýjast
-
Ársfundur HSN
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu.