Píratar á Norðausturlandi gagnrýna orð Sigmundar Davíðs
Stjórn Pírata á Norðausturlandi sendi frá sér yfirlýsingu í gær þar sem orð Sigmundar Davíðs Gunnlaugssonar, þingmanns Framsóknarflokksins í Norðausturkjördæmi eru harðlega gagnrýnd.
Þar er vísað til orða formanns Framsóknarflokksins í viðtali í þætti Páls Magnússonar, Sprengisandi. Þar sagði hann að ekkert liggi á að halda þingkosningar í haust þrátt fyrir orð Bjarna Benediktssonar formanns Sjálfstæðisflokksins og Sigurðar Inga Jóhannssonar forsætisráðherra fyrr í vor.
Stjórn Pírata á Norðausturlandi segir Sigmund Davíð sýna Alþingi og almenningi „fádæma dónaskap og óvirðingu“.
Yfirlýsinguna í heild sinni má lesa hér að neðan. /epe.
Yfirlýsing frá stjórn Pírata á Norðausturlandi, 23. 5. 2016
Stjórn Pírata á Norðausturlandi gagnrýnir harðlega orð Sigmundar Davíðs Gunnlaugssonar, þingmanns Framsóknarflokksins í Norðausturkjördæmi, að engin ástæða sé til að að kosningar til Alþingis fari fram í haust. Það ætti að vera óþarft að rifja upp þá atburðarás sem varð til þess að Sigmundur Davíð hrökklaðist úr starfi forsætisráðherra í byrjun apríl og ákvörðun um haustkosningar var tekin.
Með því að láta eins og ekkert hafi í skorist sýnir hann Alþingi og almenningi fádæma dónaskap og óvirðingu með þessum orðum sínum. Sigmundi Davíð ber að virða ákvörðun stjórnarflokkanna, sem tekin var í sjálfskipaðri útlegð hans, og munu Píratar á Norðausturlandi ekki láta sitt eftir liggja til að almenningur fái að ganga að kjörborðinu í haust, eins og lofað hefur verið.
Nýjast
-
April metmánuður í farþegaflutningum á Akureyrarflugvelli
Frá þvi segir á Facebook vegg Akureyrarflugvallar að nýliðinn mánuður hafi verið sá metmánuður í farþegaflutningum um völlinn. -
Harmonikudagurinn í Hofi á sunnudagur
„Harmonikan er heillandi hljóðfæri. Það má segja að draumur okkar um að heiðra hljóðfærið rætist og því verður gert hátt undir höfði á Harmonikudeginum sem haldinn verður næsta sunnudag, 4. maí með glæsilegum tónleikum í Menningarhúsinu Hofi á Akureyri,“ segir Hrund Hlöðversdóttir sem ásamt Agnesi Hörpu Jósavinsdóttur hefur unnið að undirbúningi viðburðarins. -
Stöður skólameistara við VMA og Framhaldsskólans á Húsavík auglýstar
Mennta- og barnamálaráðuneytið auglýsti í dag lausar til umsóknar stöður skólameistara við Verkmenntaskólann á Akureyri (VMA) og Framhaldsskólann á Húsavík. Umsóknarfrestur er til og með 14. maí n.k. -
Þrjú verkefni í Þingeyjarsveit hlutu styrk úr Framkvæmdasjóði ferðamannastaða
Hanna Katrín Friðriksdóttir atvinnuvegaráðherra úthlutaði styrkjum úr Framkvæmdasjóði ferðamannastaða 30 april s.l. -
Vilja klára byggingu Standgötu 1
Á fundi skipulagsráðs Akureyrarbæjar á dögunum var lagt fram erindi Kristjáns Þórs Júlíussonar fyrir hönd eigenda Strandgötu 1 ehf dagsett 31. mars 2025 vegna áforma eigenda um stækkun núverandi húss að Strandgötu 1. -
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí.
