Páll: Vorum ekki alveg í fullum gír
„Þetta var nú ekkert merkilegt sem við buðum uppá og við vorum ekki alveg í fullum gír. Ég held að maður hefði alveg fundið skemmtilegri hluti að gera ef maður hefði verið almennur áhugamaður,” sagði Páll Viðar Gíslason þjálfari Þórs, eftir öruggan 5:0 sigur sinna manna gegn Leikni F. í 32-liða úrslitum Valitor-bikar karla í knattspyrnu í Boganum í kvöld. Leikurinn var lítið spennandi og lítt skemmtilegur á að horfa, en yfirburðir Þórs voru afgerandi í leiknum og eftir fyrsta mark þeirra var eins og gestirnir hefðu hreinlega gefist upp.
Izudin Daði Dervic, þjálfari Leiknismanna, var þó ágætlega sáttur við sína menn.
„Þórsarar eru alltof sterkir fyrir okkur en við byrjuðum ágætlega. Fyrstu tuttugu mínúturnar voru fínar en eftir að þeir skoruðu fyrsta markið að þá var þetta bara einstefna. Ég er ágætlega sáttur við mína menn, þetta eru bara krakkar sem eru í vinnu og fótboltinn númer tvö. Þetta var fín reynsla fyrir þá og það er alltaf gaman að mæta úrvalsdeildarliði,” sagði Daði Dervic.
Dregið verður í 16-liða úrslit bikarkeppninnar í hádeginu á morgun og þar verða Þórsarar í pottinum. Aðspurður um draumamótherja svarar Páll Viðar: „Það eru engir sérstakir draumamótherjar. Það sem skiptir öllu er að fá heimaleik á Þórsvelli, vilja ekki margir fá bikarmeistarana,” segir Páll, en FH-ingar eru ríkjandi bikarmeistarar. Hafnfirðingarnir unnu Fylkismenn í kvöld og verða því í pottinum á morgun.
„Við höfum trú á því að við getum lagt öll lið á heimavelli og það virðist vera þannig með okkur að því betra lið sem við mætum að því meira leggja leikmennirnir mínir í verkefnið. Það er eins og þeir þurfi smá áskorun,” sagði Páll.
Nýjast
-
Samherji og Ice Fresh Seafood áberandi á Seafood Expo Global. „Allur fiskiheimurinn hittist á sama punktinum.“
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 6.- 8. maí. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða. -
Vegleg gjöf Oddfellowstúkanna styrkir líknarþjónustu SAk
Þann 30. apríl sl. komu fulltrúar allra fimm Oddfellowstúkanna á Akureyri saman og færðu Sjúkrahúsinu á Akureyri rausnarlega gjöf til stuðnings við líknarþjónustu sjúkrahússins. Heildarfjárhæð peningagjafarinnar nam 1.245.000 krónum og er hún ætluð til að bæta aðstöðu í nýju aðstandendaherbergi á lyflækningadeildinni. -
Líflínan
Í þessari viku legg ég fram þingsályktunartillögu sem snýr að því að tryggja áframhaldandi starfsemi Janusar endurhæfingar eða tryggja sambærilega geðendurhæfingu fyrir ungmenni með fjölþættan vanda. -
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar.