Páll Viðar: Get ekki kvartað yfir stiginu
„Það er ekki oft sem ég er sáttur með jafntefli en ég er það í kvöld,” sagði Páll Viðar Gíslason þjálfari Þórs, eftir 2:2 jafntefli gegn FH á Þórsvelli í kvöld í Pepsi-deild karla í knattspyrnu. Leikurinn var hin mesta skemmtun og bauð upp á mikla dramatík. Jafntefli sennilega sanngjörn niðurstaða. Þórsarar léku allan seinni hálfleikinn einum færri, en voru engu að síður aðeins nokkrum mínútum frá því að ná öllum þremur stigunum í kvöld, en FH jafnaði á 90. mínútu.
„Við börðumst fyrir lífi okkar í seinni hálfleik einum færri. Þannig að ég get ekkert kvartað þó að það hafi verið sárt að fá þetta mark á sig. Ég væri hins vegar hrokafullur ef ég segði þetta ekki sanngjarna niðurstöðu,” sagði Páll. Það var ekki merkjanlegur munur á spilamennsku Þórs í fyrri og seinni hálfleik, þrátt fyrir að leika manni færri síðustu 45 mínúturnar. „Menn lögðu extra mikið á sig í seinni hálfleik og ég held að menn hafi sýnt það í kvöld að það er mikið spunnið í þetta Þórslið,” Páll Viðar.
Heimir Guðjónsson þjálfari FH-inga var nokkuð sáttur við stigið í kvöld, en FH-ingar voru hársbreidd frá því að stela sigrinum eftir að hafa jafnaði á lokamínútu hefðbundins leiktíma.
„Ég held að fólk hljóti að hafa skemmt sér vel í kvöld. Þetta var hörkuleikur, fullt af færum og fjögur mörk,” sagði Heimir. Eflaust áttu flestir von á einstefnu að marki Þórs í síðari hálfleik, eftir að heimamenn lentu manni færri undir lok fyrri hálfleiks. Annað kom hins vegar daginn og Þórsarar stóðu vel í gestunum út leikinn.
„Við vorum töluvert sterkari fannst mér í fyrri hálfleik og byrjum þann seinni með marki. Svo förum við bara að spila gegn okkur. Við hættum að gera það sem virkaði og hleyptum Þórsurum inn í leikinn sem refsuðu okkur. Við fengum fullt af færum og hefðum geta stolið þessu. Miðað við hvernig við spiluðum í seinni hálfleik er ég þokkalega sáttur með stigið,” sagði Heimir.
Atli Sigurjónsson átti góðan leik fyrir Þór á miðjunni og var einn besti maður vallarins.
„Þetta var smá rússíbani í kvöld. Útlitið var ekki gott um tíma, einum manni færri og marki undir. Við hins vegar bættum bara í eftir það. Baráttan, viljinn og hlaupagetan jókst bara og ég held að við höfum bara haft gott að þessu þegar uppi er staðið,” sagði Atli, sem var þokkalega sáttur með stig í kvöld.
„Ég er sáttur og ekki sáttur. Við vorum komnir í 2:1 og fáum mark á okkur sem maður ekki sáttur við. Við lentum hins vegar marki undir þannig að við getum verið sáttir með eitt stig,” sagði Atli.
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
