Öruggur sigur Akureyrar á Víkingi í Reykjavík
Akureyri Handboltafélag vann nú rétt í þessu frábæran útisigur á slöppu liði Víkinga í Reykjavík. Sigur Akureyrar var fyllilega sanngjarnt enda hafði liðið yfirhöndina allan leikinn. Akureyri byrjaði leikinn frábærlega og komst í 5-2. Í þeirri stöðu var skyttan sterka Árni Þór Sigtryggsson rekinn útaf í 2 mínútur og Víkingar gengu á lagið og jöfnuðu í 5-5.
Þá snérist hins vegar dæmið við, heimamenn misstu mann af velli og Akureyri komst aftur þrem mörkum yfir 8-5 þegar 15 mín voru búnar af hálfleiknum. Mikil barátta var svo seinni hluta hálfleiksins þar sem munurinn var alltaf 1-3 mörk Akureyri í vil, það var Andri Snær Stefánsson skoraði síðasta mark fyrri hálfleiks úr víti og kom Akureyri 15-13. Sóknarleikur Akureyrar var mjög góður í fyrri hálfleik og varnarleikurinn fínn, Hafþór Einarsson markvörður náði sér hins vegar ekki á strik í hálfleiknum.
Akureyri komst í fimm marka forystu þegar um 10 mín voru liðnar af síðari hálfleik en gerðu heimamenn sig líklega til að komast aftur inn í leikinn með því að minnka muninn í þrjú mörk 21-18 þegar 15 mín voru til leiksloka 21-18. Akureyringar litu ekki um öxl það sem eftir var leiks og héldu forystunni í tveimur til þremur mörkum allt þar til í lokin að Víkingar gáfust upp og gestirnir kláruðu leikinn með fimm marka mun 28-23. Varnarleikur Akureyrar í síðari hálfleik var frábær auk þess sem Hafþór Einarsson vaknaði svo um munaði í síðari hálfleik og varði eins og berserkur.
„Við vissum að Víkingarnir væru mjög seigir og það var erfitt að hrista þá af sér, en ég er mjög sáttur við þennan sigur í dag. Við vorum að leiða þetta með 2-3 mörkum en það þurfti lítið til að missa þetta frá sér, þess vegna var ég mjög sáttur við að klára leikinn. Ég var mjög sáttur við liðsheildina í leiknum og hefði ekki trúað því fyrir fimm vikum að við myndum klára svona leik með venjulegum leik frá okkur en við gerðum það í dag,“ sagði Rúnar Sigtryggsson þjálfari Akureyrar eftir leikinn viðtalið við fréttamenn RÚV sem sýndi leikinn í beinni útsendingu.
Jónatan Magnússon, fyrirliði Akureyrar var einnig í viðtali og hafði þetta að segja: „Það sem að gekk upp hjá okkur í dag var varnarleikur og markvarsla í seinni hálfleik. Við fengum mörg tækifæri til að ganga frá þeim en nýttum þau ekki, þeir voru að berjast og mikil seigla í þeim að gefast ekki upp. Við hins vegar kláruðum þetta vel í lokin.“
Akureyri er eftir sigurinn í þriðja sæti deildarinnar með 6 stig, jafn mörg og FH-ingar sem eru í öðru sæti en þeir hafa einu marki betur í markatölu. Sannarlega frábær byrjun á tímabilinu hjá Akureyri sem leikur næst á heimavelli gegn Val nk. fimmtudag.
Nýjast
-
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug. -
Steingrímur Birgisson forstjóri Hölds Bílaleigu Akureyrar Örlítil aukning sjáanleg í sumar en haustið alveg tómt
„Það er örlítil aukning þegar horft er til komandi sumars, en svo er lítið sem ekki neitt að gerast þegar kemur inn á haustið. Frá september til áramóta er bara varla hreyfing,“ segir Steingrímur Birgisson forstjóri Hölds Bílaleigu Akureyrar. Hann bætir við að ef allt fer á versta veg varðandi upptöku kílómetra gjalds í sumar megi gera ráð fyrir gríðarmiklu tjóni hjá bílaleigum, sem í tilviki Bílaleigu Akureyrar nemur hundruðum milljóna.