Ólíðandi að stjórnvöld komi í veg fyrir að sjómenn geti samið
Sjómenn og útgerðarmenn telja mikilvægt að lög um stjórnun fiskveiða verði til lykta leidd. Mynd: Þorgeir Baldursson.
Hagsmunir sjómanna og útgerðar fara að því leyti saman að fyrir báða aðila er mjög mikilvægt að ný fiskveiðistjórnunarlög verði vel út garði gerð. Það þýðir ekki að djöflast í þessu með látum og valdbeitingu líkt og einkennt hefur málið fram til þessa af hálfu stjórnvalda, segir Konráð Alfreðsson formaður Sjómannafélags Eyjafjarðar. Útgerðarmenn hafa ekki viljað semja við sjómenn fyrr en mál er varða lög um stjórnun fiskveiða eru til lykta leidd, en sem kunnugt er hefur ýmislegt gengið á varðandi þau mál undanfarna mánuði.
Konráð segir sjómenn seinþreytta til vandræða og þeir séu almennt mjög þolinmóðir og láti ýmislegt yfir sig ganga. Óvissunni verði þó að fara að linna, því fyrr því betra. Hann segir að sjómenn hafi í kjölfar samnings Alþýðusambandsins við sína viðsemjendur samið á svipuðum nótum varðandi kaupskrá og hækkanir á töxtum og fleiri föstum almennum liðum, sem séu með sama hætti og í ASÍ samingunum. Mörg sérmál er varða sjómenn séu þó einn í lausu lofti og fáist ekki rædd fyrr en búið er að útkljá fiskveiðistjórnarlagamálið.
Sjómönnum þykir alveg með ólíkindum að stjórnvöld geti hagað sér með þessum hætti, líkt og þau hafa gert undanfarin misseri. Það er algjörlega óviðunandi að þau komi með þessum hætti í veg fyrir að sjómenn geti gengið endanlega frá sínum kjarasamningi, segir Konráð.
Kvaðst hann skora á nýjan sjávarútvegsráðherra að einhenda sér í að leysa málið þannig að sæmd verði af, ólíðandi sé að hægt sé að vinna skemmdarverk á heilli starfsgrein, sjávarútvegi, því málið varði alla þá sem starfa í greininni, bæði til lands og sjávar. Þessi óvissa hefur vofað yfir okkur um langa hríð og er óþolandi, það er til að mynda með hreinum ólíkindum að þurfa að hlusta málflutning þeirra kvenna sem farið hafa fyrir sjávarútvegsnefnd. Maður á hreinlega ekki til orð yfir margt af því sem frá þeim hefur komið.
Á félagsfundi Sjómannafélags Eyjafjarðar sem haldinn var nýlega var einnig mikið rætt um þá tilhneigingu útgerða að gera skammatímasamning við sjómenn, ekki bara þá sem nýlega eru ráðnir til starfa heldur einnig þá sem hafa verið til sjós árum saman og hjá sömu útgerð ef því er að skipta. Með því móti missa sjómenn veikindarétt og eins hafa þeir ekki uppsagnarfrest. Konráð segir að félagið hafi mótmælt þessu háttarlagi, en fengið þau svör til baka að það hafi ekki umboð til að mótmæla fyrir hönd umræddra sjómanna. Lögfræðingur félagsins hefur á móti bent á að það sé fásinna. Sjálfir veigra sjómenn sér við að mótmæla þessu fyrirkomulagi af ótta við að missa plássið, enda sé mikil ásókn í störfin um þessar mundir og launin góð. Konráð segir að á félagsfundinum hafi einnig verið rætt um að sjómenn séu tregir að taka að sér störf trúnaðarmanna og víða séu þeir ekki til staðar. Sjómenn treysta sér ekki til að taka þessi störf að sér og það er áhyggjuefni, segir formaður félagsins.
Nýjast
-
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis.