Ökugerði tekið í notkun í júlí
Framkvæmdir eru hafnar á svæði Bílaklúbbs Akureyrar í Glerárdal, en þar hafa starfsmenn hjá GV-gröfum hafist handa við að útbúa ökugerði. Björgvin Ólafsson stjórnarmaður í Bílaklúbbi Akureyrar segir að stefnt sé að því að taka gerðið í notkun 1. júlí næstkomandi, en það er ætlað fyrir æfingaakstur og þar verður aðstaða fyrir ökukennara til að leiðbeina nemendum sínum.
Björgvin segir að samkvæmt nýrri reglugerð um ökunám sé nú skylda að ökunemar reyni fyrir sér við hinar ýmsu aðstæður í ökugerðum, að öðrum kosti fái þeir ekki ökuréttindi. Reglugerðin hefur verið í gildi frá því í byrjun október á liðnu hausti.Ökugerðið á Akureyri mun nýtast ökunemum af öllu Noðurlandi og þá á Björgvin von á að nemar úr öðrum landsfjórðungunum muni einnig fá að spreyta sig þar, m.a. af Austurlandi og jafnvel Vestulandi, en slík gerði eru enn ekki til staðar á þessum landssvæðum. Markmiðið með ökugerðinu er að auka færni ökunema, m.a. með því að bjóða upp á æfingaakstur við fjölbreyttar aðstæður, m.a. akstur í hálku og á malarvegum. „Tilgangurinn er að auka umferðaröryggi, það er mikilvægt fyrir þá sem eru að læra að aka að kynnast sem flestum aðstæðum sem upp geta komið í akstri,“ segir Björgvin.Bílaklúbbur Akureyrar mun eiga ökugerðið og verður það hluti af nýrri aðstöðu klúbbsins sem er á alls um 16000 fermetra svæði í Glerárdal. „Við erum mjög spenntir fyrir því að taka þetta svæði í notkun, langþráður draumur okkur næst þegar það gerist,“ segir Björgvin. Ætlunin er að flytja hluta af dagskrá Bíladaga sem verða á Akureyri í næstu viku á svæði klúbbsins í Glerárdal, m.a. svonefnda Burn out keppni og Drift. „Í framtíðinni verða svo allir atbuðir Bíladaga á okkar svæði, þar sem þeir verða haldnir við bestu aðstæður sem völ er á,“ segir Björgvin.
Nýjast
-
Eyjafjarðarsveit - Katta- og hundahald
Nú er varptíminn í algleymingi og vert að minna á 15. gr. samþykktar um hunda og kattahald, en þar segir: „Eigendum og forráðamönnum katta ber að taka tillit til fuglalífs á varptíma, t.d. með því að takmarka útiveru þeirra og eftir atvikum hengja á þá bjöllu.” -
Akureyrarbær óskar eftir þátttakendum á Stórþing eldri borgara
Stórþing eldri borgara verður haldið í Menningarhúsinu Hofi á Akureyri föstudaginn 30. maí. Markmið þingsins er að kanna viðhorf einstaklinga 60 ára og eldri til þjónustu Akureyrarbæjar og safna hugmyndum að áframhaldandi þróun þjónustunnar. -
Húsfriðunarsjóður Akureyrar Aðalstræti 54 og 54a fá viðurkenningu
Húsin við Aðalstræti 54 og 54a, og eigendur þeirra, hlutu viðurkenningu Húsverndarsjóðs Akureyrar árið 2025 fyrir viðgerðir á síðustu árum sem gerðar hafa verið í góðu samræmi við aldur og gerð húsanna. -
Bærinn getur ekki aðstoðað
Bæjarráð Akureyrar getur ekki orðið við erindi frá gönguhópnum Club 1010. Hópurinn skoraði á Akureyrarbæ að aðstoða Félag eldri borgara á Akureyri um kaup á húsnæði við Hólabraut þar sem áður var ÁTVR fyrir starfsemi félagsins. Húsnæðið er við Hólabraut. Starfsemi Vínbúðarinnar var flutt á Norðurtorg en til stendur að selja húsið við Hólabraut. -
Hagnaður af rekstri Sparisjóðs Þingeyinga 179 milljónir króna
Aðalfundur Sparisjóðs Þingeyinga var haldinn 28. apríl s.l. á Fosshótel Húsavík. Rekstur Sparisjóðsins gekk vel á síðasta ári, hagnaður af starfseminni var 226 milljónir króna fyrir skatta og hagnaður eftir skatta var 179 milljónir króna. Um síðustu áramót voru heildareignir sparisjóðsins 14,7 milljarðar króna og hafa aukist um 1.553 milljónir á milli ára. Innlán voru á sama tíma um 12,8 milljarðar. Eigið fé sparisjóðsins var 1,5 milljarður í árslok og lausafjárstaða er sterk. -
Langþráður skeljasandur skilar sér til hafnar.
Skollans langri bið eftir skeljasandi lokið. 1250 tonnum landað í s.l. viku á Dalvík og Krossanesi og farmi ekið til 24 bænda til kölkunar við jarðvinnslu eða á tún. Auk þess fengu bændur í S-Þing. rúm 900 tonn og 340 tonn eru á leið til Reyðarfjarðar sem fer upp á Hérað. Mikilvægt er til að tryggja góð vaxtarskilyrði plantna með réttu sýrustigi jarðvegs þar sem ódýrasta leiðin er að nota skeljasand til kölkunar. -
Heitaloftsþurrkun fiskafurða á Laugum Starfsleyfi framlengt til 15. nóvember
Starfsleyfi Samherja fyrir heitaloftsþurrkun fiskafurða á Laugum í Reykjadal verður framlengt um 6 mánuði og gildir til 15. nóvember næstkomandi. Heilbrigðisnefnd Norðurlands hefur samþykkt framlengt starfsleyfi. -
Grófin fær styrk
Grófin Geðrækt á Akureyri hefur fengið styrk frá Rafiðnaðarsambandi Íslands upp á 500 þúsund krónur. -
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi.
