Nýtt ökugerði tekið í notkun á Akureyri
Ökugerðið Akureyri ehf. hefur lokið lagningu kennslubrauta í ökugerðinu við Hlíðarfjallsveg á Akureyri. Ökugerðið er það fyrsta sinnar tegundar á Íslandi sem er byggt í samræmi við ýtrustu kröfur reglugerðar. Á svæðinu eru fimm æfingabrautir; 200 m löng malarbraut til æfinga á akstri á malarvegum, 100 m löng malbikuð braut til þjálfunar í akstri og viðbrögðum, 80 m löng braut til að æfa akstur útaf malbikskanti.
Þá eru tvær hálkubrautir þar sem ökunemar fá tækifæri til þess að kynnast akstri í hálku í vernduðu umhverfi. Á svæðinu verður síðan komið fyrir kennslustofum og aðstöðu fyrir veltibíl og beltasleða. Í þessari viku hafa fimm ökukennarar setið á sérhæfðu námskeiði ætluðu ökukennurum sem gefur réttindi til kennslu í ökugerði. FDM, systursamtök FÍB í Danmörku, tóku að sér þjálfun ökukennara sem í framtíðinni munu sjá um kennslu nemenda í ökugerðinu. FDM rekur meðal annars Sjálandsbrautina í Hróarskeldu sem er bæði keppnisbraut og ökugerði.
Danskur kennari, Bent Grue frá FDM í Danmörku, stjórnaði kennslunni, en hann er einn helsti sérfræðingur Dana á þessu sviði og kennir jafnt, ökunemum og stjórnar endurmenntun meiraprófbílstjóra, lögreglumanna og fleiri starfsstétta. Kristinn Örn Jónsson ökukennari hefur tekið að sér stjórn ökugerðisins og verður í fyrirsvari fyrir starfsemina. Hann hefur áratuga reynslu í ökukennslu á Akureyri. Kristinn segir að almenn ánægja sé með hvernig til hefur tekist með uppbyggingu svæðisins.
Nýjast
-
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu. -
Aðalfundur Framsýnar karlmenn 62% félagsmanna
Karlmönnum hefur fjölgað í Framsýn, stéttarfélagi undanfarin ár. Þar hefur líkast til mest áhrif að meirihluti starfsfólks PCC á Bakka eru karlmenn. Verksmiðjan hóf starfsemi árið 2018. -
Rúm milljón til Krafts frá MA-ingum
Ár hvert heldur skólafélagið Huginn góðgerðaviku í þeim tilgangi að styrkja gott málefni. Að þessu sinni var valið að styrkja Kraft, stuðningsfélag fyrir ungt fólk sem greinst hefur með krabbamein og aðstandendur og söfnuðust alls 1.086.000 kr.
