Norræn samvinna skilar sér inn í Síðuskóla
Fjórði bekkur í Síðuskóla.
Kennir þú krökkum á aldrinum 7-12 ára eða eldri nemendum norrænt tungumál? Við erum með ábendingu um á hvern hátt þú getur notað norræna tungu og menningu í kennslu. Heimasíðan www.atlantbib.org býður þér að nota námsefni á krefjandi hátt í kennslu segir í kynningarefni frá norrænum grunnskólakennurum. Litlar rafrænar bækur, á norrænum tungumálum, er að finna í bókasafni sem tengir okkur yfir Atlantshafið. Verkefnið fór af stað 2014 sem hugmynd en hefur þróast, vaxið og dafnað síðan. Nú eru um 200 bækur á safninu. Stefnan er tekin á 250 bækur áður en 2019 rennur sitt skeið.
Efni bókanna hefur lærdómsgildi fyrir þann sem les. Hver bók inniheldur fróðleik sem önnur börn eða kennari vill koma á framfæri til annarra nemenda og kennarar á Norðurlöndunum. Bók eins og Sláturgerð í skólum, Íslenski hesturinn, Danskar eyjur, Jutlandia, Viktoría krónprinsessa, Tjaldurinn- þjóðarfugl Færeyja, Norsk húsdýr, Nuuk, Vigdís Finnbogadóttir og Tölur á Samísku finnst í bókasafninu og þá eru bara fáar bækur nefndar. Síðan er bókaflokkurinn ,,Þekkir þú?...“ og svo bæjarnafn. Þar geta nemendur kynnst ólíkum bæjum á Norðurlöndunum. Bækur um listamenn, íþróttafólk, kónga, uppskriftir, sögu og fleira má finna í bókahillunni. Allar bækurnar eiga það sameiginlegt að þær enda með spurningu til nemenda, t.d. ,,Hefur þú lesið sögu eftir Zacharias Topelius?“
Fagmennsku er gætt og allar staðreyndir sem fram koma í bókunum eru réttar, kennarar og nemendur leita réttra upplýsinga til að koma þeim á framfæri. Myndir eru höfundavarðar og bókahöfundar gæta þess. Stundum er best að finna myndirnar fyrst og skrifa textann eftir á því oft erfitt að finna viðeigandi myndir. Gaman er að nota eigin myndir.
Nemendur á Norðurlöndunum hafa lesið inn á bækurnar, hver á sínu tungumáli þannig að þegar þú lest bók getur þú hlustað. Í Síðuskóla vinnum við að innlestri bókanna og áður en verkefninu lýkur verður vonandi búið að lesa inn á allar bækurnar sem við höfum búið til og þær sem við höfum þýtt.
Nemendur og kennarar í Síðuskóla hoppuðu á vagninn í þessum samstarfi s.l. haust. Við höfum ekki setið auðum höndum í skólanum, annar dönskukennarinn hefur skrifað og þýtt margar bækur, nemendur í 7. bekk hafa lesið inn á þær auk þess að búa til bók um íslensk jól. Auk þess þýddu þau bókina um dönsk jól.
Fjórðu bekkingar Síðuskóla, undir styrkri stjórn Sigrúnar og Kristínar, slóu í gegn með bókunum um íslensk orðatiltæki. Nemendur fengu orðatiltæki í hendurnar og teiknuðu mynd um merkinguna. Krakkarnir bjuggu til þrjár bækur, íslensk orðatiltæki 1, 2 og 3, en hver bók er 20-26 síður og önnur hver blaðsíða er mynd. Orðatiltæki eins og ,,Að koma af jöllum“ ,,Að reka lestina“ ,,Að steypa af stóli“ má sjá í bókunum. Krakkarnir lögðu sig alla fram en í bókunum eru mörg listaverk. Það er líka gaman að sjá hvernig börnin túlka orðatiltækin listrænt. Bækurnar á rafræna bókasafninu verða notaðar áfram og unnið með orðatiltækin. Vinna má með bækurinar á öllum skólastigum og allar bækurnar í bókahillunni. Besta við bækurnar er að þær eru ókeypis og aðgengi gott.
Hvet kennara að kíkja í þetta magnaða bóksafn og ekki síður nota það.
Hér má sjá bækur 4. bekkinga.
Íslensk orðatiltæki 1¸ http://atlantbib.org/is/%C3%ADslensk-or%C3%B0atilt%C3%A6ki-1?page=1
Íslensk orðatiltæki 2, http://atlantbib.org/is/%C3%ADslensk-or%C3%B0atilt%C3%A6ki-2?page=1
Íslensk orðatiltæki 3, http://atlantbib.org/is/%C3%ADslensk-or%C3%B0atilt%C3%A6ki-3?page=1
-Helga Dögg Sverrisdóttir, dönskukennari í Síðuskóla.
Nýjast
-
Tvö ný fræðsluskilti í Grímsey
Í vikunni voru sett upp tvö skilti í Grímsey tengd Norðurstrandarleiðinni (e. Arctic Coast Way) sem greina annarsvegar frá eðli heimskautsbauganna og hinsvegar sögu Grímseyjar. -
Mærudagar á Húsavík fagna 30 ára afmæli með mikilli skemmtidagskrá
Í ár fagnar bæjarhátíðin Mærudagar á Húsavík sínu 30. afmæli með fjölbreyttri og spennandi skemmtidagskrá fyrir alla aldurshópa. -
Endurnýjun á dreifilögn í Reykjahverfi
Orkuveita Húsavíkur er í framkvæmdum en verið er að endurnýja dreifilögn hitaveitu á rúmlega 3 km kafla í Reykjahverfi frá Smiðjuteig að Skógum -
Ánægja með gott Listasumar 2024
Mikil og góð stemning var í Listagilinu síðasta laugardag þegar þar var haldið hið svokallaða Karnivala eða lokahátíð Listasumars 2024 -
Grunnskólinn á Raufarhöfn í yfirhalningu
Gengið hefur verið frá samningi við verktaka um að mála húsið -
Andrea Fáfnis Ólafs og Viðar Breiðfjörð með samsýningu á Mærudögum
Andrea Fáfnis Ólafs og Viðar Breiðfjörð halda samsýningu í Hlyn við Garðarsbraut yfir Mærudagana. Listamennirnir eiga bæði ættir og barnæsku að rekja til Húsavíkur. -
Aðalgeir Heiðar Karlsson - Minningarorð
Aðalgeir Heiðar Karlsson fæddist 1.október 1948 á Húsavík. Hann var sonur útgerðarhjónanna Heru Sigurgeirsdóttur f. 22. maí 1916, d. 8. ágúst 1999 og Karls Óskars Aðalsteinssonar, f. 8. maí 1912, d. 24. jan. 1982. Aðalgeir var yngstur fimm systkina sem eru í aldursröð: Sigurbjörg Guðrún, f. 6. feb. 1935, d. 26. maí 2019, Sigrún Ólöf f. 22. jan. 1937, Aðalsteinn Pétur f. 27. okt. 1943, d. 15. júlí 2008 og Óskar Eydal f. 27. nóv. 1944, d. 14. apríl 2017. Karl Óskar Geirsson f. 28. nóv. 1955, sonur Sigrúnar, ólst einnig upp í Höfða og var alltaf eins og einn af systkinunum. Alli var af mikilli sjómannaætt en var mjög lítið á sjó en vann landvinnu. Hann var snöggur til að ráða sig til vinnu þegar Norðurverk hóf störf við gerð Laxárvirkjunar 3 og vann þar fram að verklokum sem bílstjóri á borbíl og sem sprengju sérfræðingur. Við Laxárvirkjun kynnist hann eftirlifandi eiginkonu sinni, Guðnýju Heiðveigu Gestsdóttur, f. 13.júní 1952. Guðný er fædd og uppalin í Múla í Aðaldal, foreldrar hennar voru Heiðveig Sörensdóttir, f. 6.maí 1914, d. 2.mars 2002 og Gestur Kristjánsson, f. 10.nóvember 1906, d. 9.ágúst 1990. Strax vorið eftir þau kynni flutti Aðalgeir í Múla, fór að taka þátt í búskapnum af fullum krafti ásamt því að sinna vinnu við Laxárvirkjun. Aðalgeir og Guðný opinberuðu um páskana 1971 og giftu sig 2. apríl 1972. Þau hófu félagsbúskap ásamt foreldrum Guðnýjar og keyptu síðar af þeim eignir þeirra í Múla eftir að þau hættu búskap árið 1986 og fluttu til Húsavíkur. Aðalgeir og Guðný bjuggu alla tíð í Múla meðan heilsan leyfði. Þau seldu jörðina í sumarið 2021 og fluttu til Akureyrar. Alli og Guðný í Múla voru með fjölmörg börn í sumardvöl í sveit og eins voru þau með fósturbörn bæði til skemmri og lengri tíma. Þrjú af þeim börnum fengu varanlegt aðsetur hjá þeim hjónum í Múla og má svo sannarlega segja að þau hafi dottið í lukkupottinn, Ólafur Svanur Ingimundarson, f. 3.ágúst 1965, Einar Jóhann Sigurðsson, f. 6. ágúst 1983 og Aðalheiður Ágústa Jónsdóttir, f. 2. október 1987. Ólafur Svanur er kvæntur Emmu Gísladóttur, f. 17.maí 1967 og eiga þau tvo syni Gísla Ólaf og Jón Aðalgeir og 6 barnabörn. Einar Jóhann er kvæntur Þórhildi Einarsdóttur, f. 31. ágúst 1983, og eiga þau tvö börn saman Kristján Guðna og Heiðveigu Halldóru. Einar á einnig dóttur úr fyrra sambandi, Lilju Dögg, f. 3.mars 2005. Aðalheiður er gift Sigmundi Birgi Skúlasyni, f. 19.maí 1982 og eiga þau þrjú börn Heiðar Inga, Fannar Atla og Margréti Guðnýju. Aðalgeir lést á hjúkrunarheimilinu Lögmannshlíð 12.júlí s.l. og útför hans fór fram miðvikudaginn 24.júlí kl 14:00 frá Grenjaðarstaðarkirkju í Aðaldal. Elsku afi okkar, við vitum ekki hvernig okkur á að líða, þetta er allt svo skrýtið. -
Þyrla sótti slasaða hjólreiðarmenn í Jökulsárgljúfur
Laust eftir hádegi í dag kom tilkynning til lögreglu og sjúkraflutningamanna á Húsavík um reiðhjólaslys við Jökulsárgljúfur. Þar hafi reiðhjólamaður fallið fram af kletti og þá hafði samferðamaður hans einnig slasast við að reyna að koma honum til aðstoðar -
Mæðgur hafa stjórnað kórum í samanlagt 71 ár
Kynslóðir kórfélaga frá Hóffý og Ástu sameinast og halda saman tónleika í Húsavíkurkirkju
Athugasemdir