Norlandair kaupir Twin Otter flugvél af Air Greenland
Flugfélagið Norlandair á Akureyri hefur gengið formlega frá kaupum á Twin Otter flugvél af Air Greenland, en þetta er vél sem Norlandair hefur verið með á leigu frá því í sumar. Friðrik Adolfsson forstjóri Norlandair, segir að félagið greiði fyrir vélina með hlutabréfum í Norlandair og á Air Greenland nú 25% í félaginu. Friðrik segir það mikinn styrk fyrir Norlandair að tengjast Air Greenland með þessum hætti, enda sé félagið gríðarlega öflugt. Einnig á Flugfélag Íslands eignarhlut í Norlandair.
Þessi kaup gera okkur kleift að sinna öllu Grænlandi með Twin Otter flugvélum og við munum staðsetja þessa vél á vesturströnd Grænlands. Þar eru fjölmörg tækifæri, eins og reyndar á öllu Grænlandi í dag. Við eigum nú orðið fjórar flugvélar, þrjár af gerðinni Twin Otter, og eina Airvan sjö sæta útsýnisflugvél og leigjum eina Beech King air 200 vél. Friðrik segir að starfsmenn hafi verið rúmlega 20 yfir sumarmánuðina en nú hafi verið fækkað um fjóra flugmenn. Það er vegna þess að við verðum með tvær Twin Otter vélar í miklu viðhaldi í vetur. Það hefur verið rólegra hjá okkur yfir vetrarmánuðina en við ætlum okkur að reyna að bæta úr því. Það er mikið í gangi á Grænlandi, við erum að fljúga með vísindamenn, fyrir danska herinn og fleiri og þá mun það hjálpa okkur enn frekar að vera komnir með þessa tengingu við Air Greenland, segir Friðrik.
Fulltrúar Air Greenland, þeir Mogens E. Jensen fjármálastjóri og Hans Peter Hansen framkvæmdastjóri, voru staddir á Akureyri í vikunni, til að ganga frá sölunni. Hans Peter tók undir með Friðriki og sagði að það væri mjög jákvætt fyrir Air Greenland að tengjast Norlandair á þennan hátt. Hann sagði félagið hefði verið með 11 gerðir af flugvélum fyrir um tveimur árum og að það væri ekki hagstætt. Það hafi m.a. verið óhagstætt að vera með varahluti fyrir allar þessar gerðir og að nú væru flugvélagerðir félagsins aðeins sjö. Það var því jákvætt og skynsamlegt skref að selja Norlandair okkar einu Twin Otter vél og tengjast félaginu um leið. Og við getum stutt við bakið á Norlandair í þeim verkefnum sem félagið er með á Grænlandi, sagði Hans Peter.
Friðrik segist hafa þekkt Hans Peter frá árinu 1980 og þeir unnið mikið saman. Fyrir 17 árum töluðum við um að það væri betra að vera aðeins með eitt Twin Otter félag á norðurslóðum og nú er það orðið að veruleika.
Nýjast
-
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka. -
Guðmundur Ármann opnar sýningu laugardaginn 3. til 31. maí í Bergi, menningarhúsi Dalvíkinga
Á sýningunni, sem ber yfirskriftina Yrkja II, verða um 19 málverk máluð á árunum 2021 til 2025. Einnig nokkrar teikningar. Þessi sýning er í beinu framhaldi af sýningu minni á Bergi 2022 um sama yrkisefni. -
Bernskuheimilið mitt eftir Ólöfu Sigurðardóttur frá Hlöðum
Flóra Menningarhús í Sigurhæðum á Akureyri hefur hafið söfnun á Karolina Fund fyrir útgáfu á bókinni Bernskuheimilið mitt eftir Ólöfu Sigurðardóttur frá Hlöðum (1857-1933). Árið 1906 fékk Ólöf birta grein í tímaritinu Eimreiðinni undir heitinu Bernskuheimilið mitt sem telst vera fyrsti sjálfsævisögulegi þáttur íslenskrar konu. Greinin vakti á sínum tíma mikla athygli. Það að kona fjalli opinberlega og opinskátt um líf sitt og fjölskyldu sinnar má kalla uppreisn á þessum tíma "þegar konur áttu að standa vörð um heiður fjölskyldunnar, meðal annars með þagmælsku um eigin hagi og með því að þegja alltaf um það sem fór úrskeiðis" (Raghneiður Richter, Íslenskar konur-ævisögur, s. 11). Verkið hefur aldrei verið gefið út á bók en nú verður bætt úr því. Hægt er að styðja verkefnið og kaupa bækur í forsölu hér: https://www.karolinafund.com/project/view/6459 -
Metfjölda notaðra snjalltækja skilað inn hjá Elko
Með tilliti til sjálfbærni var árið 2024 sögulegt fyrir ELKO – sérstaklega á Akureyri þar sem viðskiptavinir skiluðu inn og keyptu alls 400 notuð snjalltæki. Þetta gerir árið að metári í viðskiptum með notuð raftæki í versluninni þar í bæ. -
Kostuleg klassík með Sinfóníuhljómsveit Westmont-háskóla í Kaliforníu
Sinfóníuhljómsveit Westmont-háskóla í Kaliforníu er væntanleg til landsins á vormánuðum. Hún leikur á þrennum tónleikum í maí. Aðgangur er ókeypis á þá alla en sækja þarf miða á tix.is:
