Norðurstöð HSN verður í Sunnuhlíð
Heilsugæslustöð í norðurhluta Akureyrar verður staðsett í verslunarmiðstöðinni Sunnuhlíð. Framkvæmdasýslan Ríkiseignir mat tilboð frá eiganda húsnæðisins, Reginn fasteignafélag það hagstæðasta af þeim 8 tilboðum sem bárust í húsnæði fyrir Heilbrigðisstofnun Norðurlands og var ákveðið að taka því.
„Okkur líst mjög vel á þetta,“ segir Jón Helgi Björnsson forstjóri Heilbrigðisstofnunar Norðurlands. Hann segir að um sé að ræða alla aðra hæð húsnæðisins auk þess sem byggt yrði til norðurs við það húsnæði sem fyrir. HSN verður í um það bil 1700 fermetra húsnæði í Sunnuhlíð.
Jón Helgi segir að samningar hafi ekki verið undirritaðir, gerð þeirra séu í vinnuferli, en þegar búið sé að skrifa undir hefjist framkvæmdir við endurbætur. „Við höfum séð að þar sem unnið hefur verið að endurbótum á eldra húsnæði fyrir ríkið hafa þær heppnast vel og höfum ekki ástæðu til að ætla annað en svo verði í okkar tilviki,“ segir hann.
Staðsetning miðsvæðis í Glerárhverfi er einnig kostur að mati Jóns Helga, ef til vill sé helsta áhyggjuefnið að hæg umferð sé á stofnbrautum umhverfis Sunnuhlíð .Ný íbúðahverfi í Glerárhverfi fara að líta dagsins ljós og í þeim báðum sé greið leið að Sunnuhlíð.
Gert er ráð fyrir að Heilbrigðisstofnunin fái húsnæðið til umráða næsta sumar eða haust.
Nýjast
-
Lokaorðið - Sumardagurinn fyrsti.
Sumardagurinn fyrsti er ævaforn hátíðisdagur á Íslandi. Þó líði aldir og kynslóðir komi og fari er ekkert sem Íslendingar þrá heitar en vorið. Hjörtun slá þá í mildum samhljóma takti og loks er liðin vetrarþraut. Sumardagurinn er einnig þekktur sem barnadagurinn. Í þéttbýlinu gerði fólk sér dagamun og klæddist sparifötum. -
Mikil umferð um Akureyrarflugvöll s.l. daga
Mikil umferð hefur verið um Akureyrarflugvöll síðustu daga áætlunarflug, sjúkraflug, einkaþotur og töluverð þyrluumferð. -
Eik fasteignafélag vill byggja við Gleráreyrar
Á fundi skipulagsráðs Akureyrarbæjar í gær var tekin til umræðu tillaga frá Kollgátu, sem Ingólfur Guðmundsson og Andrea Sif Hilmarsdóttir kynntu f.h hönd Eikar fasteignafélags um uppbyggingu á lóðum 2-8 við Gleráreyrar og svæðis vestan þeirra. -
Sólarhringssund hjá Óðinskrökkum
Hið árlega sólarhringssund iðkenda í Óðni stendur nú sem hæst. Einn sundamaður syndir í einu og er þetta því nokkurs konar boðsund. -
Fékk ekki að lækka gjaldskrárhækkanir Orkuveitu Húsavíkur
Á fundi stjórnar Orkuveitu Húsavíkur í vikunni var tekin fyrir tillaga Valdimars Halldórssonar, varaformanns þess efnis að dregið yrði úr fyrirhuguðum gjaldskrárhækkunum en Valdimar taldi næga innistæðu fyrir hendi til að lækka umrædda hækkun -
Banaslys í Eyjafjarðarsveit
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og voru tveir aðilar sem í honum voru úrskurðaðir látnir á vettvangi. Lögreglan á Norðurlandi eystra fer með rannsókn málsins og er hún á frumstigi og ekki frekari upplýsingar að hafa að sinni. -
Umferðarslys á Eyjafjarðarbraut eystri
Alvarlegt umferðarslys varð á Eyjafjarðabraut eystri , skammt norðan við Laugaland skömmu eftir kl. 13:00 í dag. Þarna hafði bíll lent út af og í honum voru tveir aðilar. Rannsókn á tildrögum slyssins stendur yfir á vettvangi og getur lögreglan ekki veitt frekari upplýsingar á þessu stigi málsins. -
Kirkjutröppurnar og gangstétt í Listagilinu
Framkvæmdir við kirkjutröppurnar eru hafnar að nýju eftir talsvert hlé og er búið að byggja yfir neðsta hluta trappanna, en þar er verið að vinna í húsnæði sem er undir tröppunum. Að því loknu verður hægt að hefja vinnu við sjálfar kirkjutröppurnar, þeirri vinnu hefur seinkað m.a. sökum þess að erfiðlega gekk að fá verktaka í verkefnið og það var umfangsmeira en var ráð fyrir gert. -
Hefur allt sem þarf
Fyrstu kynni mín af Höllu Tómasdóttur voru í tengslum við vinnustað þar sem hún kom einn dag og ræddi við hópinn. Þessi dagur breytti svolítið lífi mínu því þarna uppgötvaði ég í raun hvernig ég get tekið stjórn á eigin lífi. Halla varpaði á skjá mynd af vatnsglasi sem í var vökvi um það bil að miðju glasi. Hún talaði um viðhorf okkar og hvernig við tökumst á við það sem lífið færir okkur.
Athugasemdir