Níu starfsmönnum Byrs á Akureyri sagt upp
Níu starfsmönnum Byrs á Akureyri var sagt upp störfum í vikunni en þeir störfuðu í bakvinnslu. Flestir þeirra hafa valið að starfa áfram fram í lok janúar og fresta starfslokum þangað til, að sögn Guðnýjar Helgu Herbertsdóttur upplýsingafulltrúa Íslandsbanka. Þá hefur Örn Arnar Óskarsson útibússtjóri Byrs á Akureyri sagt upp störfum. Alþingi hefur samþykkt sölu á hlut ríkisins í Byr til Íslandsbanka og mun bankarnir sameinast undir nafni Íslandsbanka.
Alls eru starfsmenn Byrs á Akureyri 24 og varðandi uppsagnir annarra starfsmanna, sagði Guðný Helga að engar ákvarðanir hafi teknar um þau mál. Að sjálfsögðu verður horft til beggja banka við sameiningu þeirra. Lögð er rík áhersla á að upplýsa starfsfólk eins vel og mögulegt er um næstu skref í því sameiningarferli sem nú er farið af stað.
Alls var 42 starfsmönnum Íslandsbanka sagt upp störfum í vikunni og 21 til viðbótar hættir störfum samkvæmt samkomulagi við bankann. Engar uppsagnir voru hjá Íslandsbanka á Akureyri. Aðspurð um hvort til standi að fjölga starfsfólki í útibúi Íslandsbanka á Akureyri, sagði Guðný Helga að ekki hafi verið tekin ákvörðun um það. Bankinn mun upplýsa um slíkar aðgerðir þegar nær dregur sameiningu útibúanna. Við munum kappkosta að upplýsa viðskiptavini á Akureyri eins vel og við getum um sameiningu bankanna. Markmiðið með sameiningunni er að byggja upp eitt öflugasta fjármálafyrirtæki landsins með áherslu á góða þjónustu á samkeppnishæfum kjörum.
Viðskiptavinir Byrs flytjast sjálfkrafa yfir til Íslandsbanka við sameininguna. Íslandsbanki mun kynna hvernig yfirfærslan gengur fyrir sig fyrir viðskiptavinum þegar nær dregur og kappkosta að hún hafi sem minnst áhrif á viðskiptin.
Starfsemi Byrs verður rekin áfram í núverandi húsnæði við Skipagötu fram að flutningi yfir í útibú Íslandsbanka hinum megin við götuna. Ráðgert er að bankarnir á Akureyri sameinist um miðjan febrúar á næsta ári. Þrjár hæðir í húsinu við Skipagötu eru í eigu Byrs, eða nú Íslandsbanka en Guðný Helga segir að engin ákvörðun hafi verið tekin um húsnæðið eins og stendur.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.