Niðurskurði á þjónustu RÚV á Norðurlandi mótmælt
Stjórn Akureyrarstofu bendir á að svæðisútvarp landshlutanna sé og hafi verið gríðarlega mikilvægur hlekkur í miðlun frétta, menningarviðburða og almennra samskipta fyrir landsbyggðina um árabil. Svæðisútsendingarnar séu til fyrirmyndar í starfsemi Ríkisútvarpsins og skapi því mikla sérstöðu. Stjórnin skorar á stjórnendur útvarpsins að draga áformin til baka og leita annarra leiða til lækkunar á kostnaði stofnunarinnar.
Fyrr í dag sendu stéttarfélögin í Alþýðuhúsinu á Akureyri frá sér eftirfarandi ályktun vegna svæðisstöðva RÚV:
Stéttarfélögin í Alþýðuhúsinu á Akureyri lýsa yfir miklum áhyggjum og harma mjög að hætta skuli útsendingum Svæðisútvarpsins á Akureyri og annarra svæðisstöðva. Félögin skora á útvarpsstjóra, menntamálaráðherra og ríkisstjórnina alla að draga þessa ákvörðun strax til baka og finna aðrar leiðir til að draga úr rekstrarkostnaði. Stöðvarnar hafa gengt mjög mikilvægu menningar- og samfélagslegu hlutverki. Landsbyggðin verður sífellt minna áberandi í fjölmiðlum og því er mikilvægt að standa vörð um þessar svæðisstöðvar og halda starfsseminni óbreyttri þannig að þær geti áfram þjónað svæðum þar sem þær gegna lykilhlutverki. T.d. í fréttaflutningi og í sambandi við tilkynningar, en stöðvarnar hafa ekki síst nýst vel fyrir fyrirtæki og stofnanir til að ná til íbúa svæðanna. Það er slæmt þegar opinber aðili leggur niður störf í þessum mæli við þær aðstæður sem nú ríkja í þjóðfélaginu.
Stéttarfélögin í Alþýðuhúsinu eru:
Eining-Iðja, Félag byggingamanna Eyjafirði, Félag málmiðnaðarmanna Akureyri, Félag verslunar- og skrifstofufólks Akureyri og nágrenni, Rafvirkjafélag Norðurlands, Sjómannafélag Eyjafjarðar og Verkstjórafélag Akureyri og nágrennis.
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.