Námskeið fyrir þá sem vilja fá sér landsnámshænur
Símey býður upp á nokkur námskeið í næstu viku og þar á meðal er námskeið fyrir þá sem langar að láta drauminn rætast og fá sér landnámshænur í garðinn. Leiðbeinandi er Sigurvin Jónsson en sjálfur er hann með landsnámshænur í bakgarðinum heima hjá sér á Oddeyri á Akureyri. Sigurvin mun fara yfir það hvað þurfi að gera, hvað þurfi að varast og hvernig hægt er að láta hænunum líða sem best, svo eitthvað sé nefnt.
Námskeiðið er í máli og myndum þar sem farið verður yfir allt sem máli skiptir varðandi þetta umhverfisvæna áhugamál. Hægt verður aðleggja inn pantanir á ungum í námskeiðslok. Námskeiðið verður haldið þriðjudagskvöldið 1. nóvember og stendur í tvo tíma. Aðgangur er ókeypis. Fyrir þá sem eru farnir að ná tökum á ljósmyndatækninni verður boðið upp á námskeiðið; Skapandi ljósmyndun. Kynntar verða hinar ýmsu tegundir ljósmynda, farið yfir hina ýmsu stíla í ljósmyndun og margt sniðugt prófað, bæði í kennslustofu og utandyra. Einnig verður farið í ýmsa þætti myndvinnslu í photoshop. Leiðbeinandi er Helga Kvam. Þá verður boðið upp á tölvunámskeið fyrir eldri borgara. Fyrst verður tölvan kynnt t.d. lyklaborð og mús. Svo verður Internetið kennt. Vefurinn verður skoðaður og þar verða t.d. helstu fréttavefir lesnir. Kennt verður hvernig hægt er að lesa gömul blöð ásamt ýmsu öðru áhugaverðu efni. Á eftir vefnum verður kennt hvernig tölvupóstur virkar en með þessari einföldu samskiptaleið er hægt að vera í sambandi við vini og ættingja hvar sem er í heiminum.
Mismunandi menningarheimar - mismunandi þjónusta?, er yfirskrift á námskeiði SAF í samstarfi við Gerum betur. Þar verður farið yfir mikilvæga þætti með tillititil samskipta og þjónustu með áherslu á þær þjóðir sem sækja Ísland hvað mest heim. Markmiðið með námskeiðinu er að: Læra að þekkja ólíkar þarfir og væntingar viðskiptavina.
Efla skilning á mismunandi menningarheimum til að auka sjálfstraustþjónustuveitanda.
Bæta þjónustugæði með aukinni fagmennsku. Fyrirlesari: Áslaug Briem, B.S. gráðu í ferðamálafræði og MS. Gráðu í markaðsfræði- og alþjóðaviðskiptum. Meistararitgerð hennar Þjónustugæði í íslenskri ferðaþjónustu og áhrif mismunandi menningar í þjónustu hlaut verðlaun SAF og Rannsóknarmiðstöðvar ferðamála vorið 2011. Nánari upplýsingar um námskeiðin er að finna á vef Símeyjar.
Nýjast
-
Akureyri - Mjög góð þátttaka í 1. maí hátíðarhöldum
Fjölmenni safnaðist saman á Akureyri fyrr í dag í góðu veðri til að taka þátt í kröfugöngu sem stéttarfélögin á Akureyri stóðu fyrir í tilefni af 1. maí, á alþjóðlegum baráttudegi verkafólks. Einnig var góð mæting í kaffiveislu á skrifstofu stéttarfélaganna í Fjallabyggð, þar sem Ína Sif Stefánsdóttir, starfsmaður Einingar-Iðju, flutti ávarp. -
Skólalóðin farin að láta á sjá
Foreldrafélag Giljaskóla, Réttindaráð Giljaskóla og Skólaráð Giljaskóla hafa óskað eftir samtali við Fræðslu- og lýðheilsuráð sem og Umhverfis og mannvirkjasvið um skólalóð Giljaskóla. -
Fjölmenni á hátíðarhöldum vegna 1 mai á Húsavík
Fjölmenni er á hátíðarhöldum verkalýðsfélagana á Húsavík en eins og venja er 1.mai er boðið í veglegt kaffisamsæti ásamt vönduðum tónlistarflutningi og kröftugum ræðum. -
Hljómsveitin Klaufar spilar á Norðurlandi
Hljómsveitin Klaufar sem spilar vandað kántrýpopp heldur í Norðurlands-túr 1. til 3. maí. Hljómsveitin spilar í fyrsta skipti á þeim magnaða tónleikastað Græna hattinum á Akureyri föstudaginn 2. maí. -
Hátíðarhöldin 1. maí á Húsavík
Stéttarfélögin standa fyrir hátíðarhöldum 1. maí á Fosshótel Húsavík. Hátíðin hefst kl. 14:00. Boðið verður upp á veglegt kaffihlaðborð, hátíðarræður, auk þess sem heimamenn í bland við góða gesti munu sjá um að skemmta gestum með hreint út sagt mögnuðum tónlistaratriðum. -
Annars konar upplifun í Bandaríkjunum en átti von á
„Mín upplifun varð önnur en ég gerði fyrir fram ráð fyrir. Þetta var dálítið einkennileg upplifun,“ segir Rachael Lorna Johnstone lagaprófessor við Háskólann á Akureyri. Hún flytur erindi í stofu M-101 í Háskólanum á Akureyri föstudaginn 2. maí þar sem hún segir frá dvöl sinni í Bandaríkjunum undanfarna mánuði. -
Tæplega 63 þúsund manns renndu sér á skíðum eða bretti í Hlíðarfjalli í vetur.
Skíðavertíðinni í Hlíðarfjalli lauk um liðna helgi og eins og vant er voru það keppendur á Andrésar Andar leikunum sem slógu loka tóninn. -
1 mai dagskrá á Akureyri og Fjallabyggð
Alþjóðlegur baráttudagur launafólks verður haldinn hátíðlegur með dagskrá á Akureyri og í Fjallabyggð fimmtudaginn 1. maí. -
Göngugatan lokuð frá og með morgundeginum
Bæjarstjórn samþykkti 18. mars sl. að sá hluti Hafnarstrætis sem gengur jafnan undir heitinu „göngugatan“ verði lokaður frá 1. maí til 30. september eða í fimm mánuði. Þetta er umtalsvert lengri lokun en var síðasta sumar en þá var lokað í þrjá mánuði frá 3. júní til ágústloka.
