Myndavélar hafi eftirlit með hraðakstri á Akureyri
„Ég hef margoft orðið vitni að hreinum glæfraakstri um götur bæjarins," segir hann og bendir m.a. á Þingvallastræti í því sambandi, en yfir þá götu hafi hann gott útsýni heiman frá sér. Upphafið að því að hann tók upp umræðu um umferðarhraða innan bæjarkerfisins segir hann þó vera þá, að mæður ungra barna hafi komið að máli við sig og bent á að vegna mikils hraða á sumum götum, væru þær ragar við að senda börn sín ein gangandi í skóla. „Menn hafa margoft orðið varir við kappakstur á götum bæjarins, en slíkt á ekki að líðast," segir Jóhannes. Hann segir lögreglu ekki hafa yfir nægum fjármunum að ráða til að geta fylgst vel með umferðarhraða og ekki sé á niðurskurðartímum að vænta að breyting verði þar á. Þá hafi lögregla í nógu öðru að snúast og geti ekki setið langtímum saman við hraðamælingar.
Jóhannes hefur því lagt til að bærinn beiti sér fyrir því að keyptar verði nokkar færanlegar myndavélar, en reynsla af þeim sé góð. Það taki ekki langan tíma fyrir ökumenn sem fari of greitt að átta sig eftir að þær hafa verið teknar í gagnið. „Þessar myndavélar hafa mikil áhrif í þá átt að ná niður hraða, reynsla annarra hefur sannað það," segir Jóhannes. Hann segir vélar af þessu tagi ekki mjög dýrar, þannig hafi færanleg eftirlitsmyndavél sem sett var upp í miðbænum á sínum tíma kostað eitthvað örlítið á aðra milljón króna.
Nýjast
-
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu.