Mótmælir árásum formanns sambands sveitarfélaga á grunnskóla
Svokölluð 3-4-5 leið myndi stytta skólagöngu barna á yngsta stigi um tæpar fjórar vikur á ári, á miðstigi um rúmar fjórar vikur og á elsta stigi um fimm vikur. Ekki verður hægt að bæta þessum nemendum skerðinguna þótt síðar verði horfið frá henni. Því mun tiltekinn hópur barna í íslensku samfélagi hljóta minni menntun en önnur börn. Slík skerðing á námi er skaði sem verður ekki auðveldlega bættur, segir í fréttatilkynningu frá Kennarasambandinu.
Íslendingar geta lært það af öðrum þjóðum sem lent hafa í efnahagslegum þrengingum að það boðar ekki gott að skerða nám barna og unglinga. Slíkt hefur alvarleg áhrif á börnin og allt samfélagið þegar fram líða stundir. Sterk efnahagsleg rök hníga að því að skerða alls ekki skólagöngu barna og ungmenna heldur auka við hana á krepputímum ef þess er nokkur kostur. Menntamálaráðherra er þetta ljóst og hefur staðið dyggilega vörð um menntun barna í grunnskólum þrátt fyrir tímabundnar þrengingar og að hart sé að henni sótt af sveitarfélögum.
Sveitarstjórnarmenn ætla greinilega ekki að standa vörð um grunnþjónustu og störf. Nú er ljóst að sveitarfélög, ólíkt fólkinu í landinu, telja grunnskóla ekki til grunnþjónustu sem beri að standa vörð um. Kennarasamband Íslands hafnar sem fyrr öllum leiðum sem skerða gæði skólastarfs og vega að námi barna okkar. Kennarasambandið hvetur menntamálaráðherra til hvika hvergi frá stefnu sinni í málefnum grunnskólans heldur verja hann í lengstu lög og skipa sér þannig fremst í röð þeirra sem standa vörð um nám barna á Íslandi.
Þegar rýnt er í tölur frá OECD (Education at a Glance 2010) má sjá helstu þætti sem skýra kostnað við grunnskóla á Íslandi umfram mörg samanburðarlönd.
- Í fyrsta lagi er þjóðin ung og hlutfall grunnskólanemenda hér er hærra en víðast annars staðar.
- Í öðru lagi höfum við sem þjóð kosið að byggja upp sambærilega menntun um allt land fyrir alla nemendur, óháð búsetu. Það getur verið dýrt að halda úti litlum einingum víða um land.
- Í þriðja lagi hefur það verið stefna sveitarfélaga að blanda sem mest nemendum með ólíkan bakgrunn saman í skólastarfinu.Þaðsem að ofan er nefnt skýrir að stærstum hluta meiri kostnað við grunnskólann á Íslandi miðað við samanburðarlönd, segir ennfremur í fréttatilkynningu.
Nýjast
-
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi.