Mörg krefjandi en spennandi verkefni framundan
Starfið leggst mjög vel í mig. Eins og gengur og gerist með umfangsmikið starf þá bíða mörg krefjandi en spennandi verkefni. Á deildinni stafar áhugasamur og metnaðarfullur hópur fólks sem ég hlakka til að starfa með. Akureyrarbær veitir framsækna félagsþjónustu og það er ánægjuleg áskorun að fá tækifæri til að taka þátt í áframhaldandi uppbyggingu og þróun hennar," segir Soffía Lárusdóttir sem nýlega tók við starfi framkvæmdastjóra Búsetudeildar Akureyrarbæjar.
Búsetudeild er hluti af félagsþjónustu Akureyrarbæjar og veitir íbúum bæjarins ýmiss konar búsetuþjónustu. Ennfremur sinnir deildin þjónustu við íbúa nokkurra annarra sveitarfélaga samkvæmt samningum þar að lútandi. Með búsetuþjónustu er átt við þjónustu sem miðar að því að styðja við sjálfstæða búsetu fólks og/eða skapa fólki aðstæður til að lifa sem eðlilegustu lífi á heimili sínu þrátt fyrir skerðingu á færni og breytingu á högum sem kunna að verða samfara hækkandi aldri, fötlun eða veikindum.
Skrifstofa deildarinnar annast yfirstjórn, áætlanagerð og starfsmannahald fyrir einstaka þjónustuþætti. Undir deildina heyrir einnig heimaþjónusta Akureyrarbæjar, búseta með þjónustu fyrir fatlað fólk, skammtímavistun fyrir fatlað fólk, ráðgjöf iðjuþjálfa, tómstundastarf aldraðra, dagþjónusta aldraðra í Þjónustumiðstöðinni Víðilundi og Buðgusíðu, þjónustuhópur aldraðra og heilsueflandi heimsóknir til aldraðra, auk félagslegrar liðveilsu við fatlað fólk.
Soffía er með B.A. próf í þroskaþjálfafræðum og hefur að auki lokið diplómanámi í opinberri stjórnsýslu og stjórnun frá Endurmenntunarstofnun Háskóla Íslands. Þá hóf hún í byrjun þessa árs diplómanám í menntunarfræðum á Hug- og félagsvísindasviði við Háskólann á Akureyri og hefur lokið hluta þess, 40 ECTS af 60 ECTS en frestaði náminu til að taka við nýju starfi.
Soffía bjó á Egilsstöðum í 25 ár en flutti til Akureyrar í upphafi þessa árs. Lengst af starfaði hún sem framkvæmdastjóri Svæðisskrifstofu málefna fatlaðra á Austurlandi eða þar til starfið var lagt niður um síðustu áramót vegna tilfærslu málaflokks fatlaðra frá ríki til sveitarfélaga. Áður starfaði hún á stofnunum fyrir fatlað fólk í Mosfellsbæ, Kópavogi, á Akureyri og í Noregi.
Ég hef tekið þátt í norrænu samstarfi sem tengist mínu starfi í meira en áratug og þá tók ég þátt í sveitarstjórnarmálum fyrir austan á árunum 1998 til 2010," segir Soffía, en hún var m.a. formaður bæjarráðs Austur-Héraðs í fjögur ár og forseti bæjarstjórnar í 8 ára, fyrst Austur-Héraðs og síðar Fljótsdalshéraðs eftir sameiningu þriggja sveitarfélaga á héraði. Þá sat hún í ótal nefndum fyrir sveitarfélagið og starfaði m.a. að sameiningarmálum sveitarfélaga og var formaður Sambands sveitarfélaga á Austurlandi á árunum 2003 - 2006 auk fleiri starfa, en einnig gengdi hún trúnaðarstörfum fyrir Sjálfstæðisflokkinn um árabil. Eiginmaður Soffíu er Hjalti Jón Sveinsson, skólameistari og eiga þau samtals fimm börn og 10 barnabörn.
Nýjast
-
Umgengni afleit og ásýnd verulegt lýti í umhverfinu
„Það er búið að ganga frá deiliskipulagi og framkvæmdaleyfi vegna geymslusvæðis liggur sömuleiðis fyrir. Því ætti ekkert að vera því að vanbúnaði hefja framkvæmdir við geymslusvæði og flytja þá hluti sem hafa varðveislugildi inn á svæðið í framhaldi af því,“ segir Leifur Þorkelsson framkvæmdastjóri Heilbrigðiseftirlits Norðurlands um ástand mála hjá fyrirtækinu Skútabergi á Moldhaugnahálsi. -
Átt þú heima í Giljahverfi? Hvað finnst þér um hverfið?
Akureyrarbær boðar til hverfisfundar í Giljaskóla með íbúum hverfisins, bæjarstjóra og bæjarfulltrúum kl. 17 fimmtudaginn 8. maí. Endilega takið daginn frá og látið í ljós skoðanir ykkar um hverfið. -
Kattafláning og kirkjuganga.
Það hendir mig stundum í hugsunarleysi að fara að hugsa um eitthvað sem dettur upp í hugann. Og þetta henti einmitt í dag. -
Að leggja grunninn að framtíðinni Upplifun úr nútímafræði
Í ár eru 20 ár síðan fyrsti árgangurinn útskrifaðist úr nútímafræði frá Háskólanum á Akureyri. Í tilefni þess var rætt við Ragnheiði Jónu Ingimarsdóttur sem var í þeim útskriftarárgangi. Hún sá tækifæri sem fólust í að vera hluti af fyrsta hópnum sem stundaði þetta áhugaverða nám. -
Fjölmörg verkefni fram undan að takast á við
„Það er mikið verk að vinna og fjölmörg verkefni fram undan sem takast þar á við,“ segir Björn Snæbjörnsson sem kjörinn var formaður Landssambands eldri borgara á landsfundi þess sem haldinn var í Reykjanesbæ. Helgi Pétursson lauk fjórða ári sínu í formannsstóli en formaður situr mest í fjögur ár. Björn var sá eini sem bauð sig fram og því sjálfkjörinn í embætti. -
Þakklátur fyrir heiðurinn og er mjög gíraður
„Ég er virkilega þakklátur fyrir þennan heiður og ætli ég orðið það ekki sem svo; mjög gíraður,“ segir Egill Logi Jónasson nýr bæjarlistamaður á Akureyri. Egill er framsækinn myndlistar- og tónlistarmaður segir í umsögn frá Akureyrarbæ, „sem hefur vakið athygli fyrir frumleg verk og ögrandi sýningar.“ Egill Logi gegnir lykilhlutverki í starfsemi Listagilsins og rekur m.a. tvær vinnustofur í húsnæði Kaktus, fyrir myndlist annars vegar og tónlist hins vegar. Hann hefur verið iðinn við að skapa vettvang fyrir unga og óháða listamenn, m.a. í gegnum tónlistarhátíðina Mysing. -
Tveir fengu gullmerki Einingar-Iðju
Tveir félagar i Einingu-Iðju voru sæmdir gullmerki félagsins á aðalfundi nýverið, þau Gunnar Berg Haraldsson og Laufey Bragadóttir. -
Fiðringur á Norðurlandi fer fram í Hofi í fjórða sinn
Fiðringur fer fram í Menningarhúsinu Hofi næsta miðvikudag, 7. maí og er þetta í fjórða sinn sem keppnin er haldin. Í ár munu tíu skólar af Norðurlandi mætast. Grunnskóli Húnaþings vestra tekur þátt í fyrsta sinn og vonandi taka fleiri skólar frá Norðurlandi vestra þátt á næsta ári því markmiðið er að sinna öllu Norðurlandi frá Borðeyri til Bakkafjarðar! -
,,Ég kveð sátt og held glöð út í lífið"
Þórunn Ingólfsdóttir hefur starfað hjá fyrirtækjum við Fiskitanga á Akureyri stærstan hluta starfsævinnar, lengst af hjá Útgerðarfélagi Akureyringa og Samherja. Hún lét af störfum í fiskvinnsluhúsi ÚA um mánaðamótin og segist kveðja afskaplega sátt. Nú taki við nýr kafli í lífinu.
